Presidenti i Republikës Srpska, Milorad Dodik, ka njoftuar se do të takohet me zyrtarë të lartë rusë javën e ardhshme për të diskutuar bashkëpunimin e mëtejshëm.
Në një deklaratë për shtyp gjatë vizitës së Sekovic, Dodik shprehu mirënjohjen e tij ndaj Rusisë për, siç tha ai, “vëmendjen që i ka treguar Republikës Srpska në rrethana të ndërlikuara”.
“Sot, Rusia është një nga ekonomitë e qëndrueshme dhe Republika Srpska dëshiron të vazhdojë marrëdhëniet e mira të partneritetit me Federatën Ruse”, tha Dodik.
Ai pohoi se Moska e percepton Republikën Srpska si një “partner të rëndësishëm strategjik”, duke shtuar se “kur rusët thonë diçka, ajo do të thotë diçka, dhe kur Perëndimi thotë diçka, nuk do të thotë asgjë”.
Dodik përsëriti gjithashtu qëndrimet e tij të njohura duke justifikuar agresionin rus kundër Ukrainës, duke e quajtur atë një “operacion ushtarak special” dhe duke akuzuar Perëndimin për rrëzimin e marrëveshjeve të Minskut.
“Rusët në Ukrainë janë kërcënuar, gjuha dhe shkrimi i tyre janë marrë, kishat e tyre janë sekuestruar, ata janë persekutuar dhe sulmuar”, pohoi Dodik. Në margjinat e kësaj deklarate, Dodik iu drejtua edhe ekonomisë botërore, duke pretenduar se Rusia tani është ekonomia e katërt më e madhe në botë dhe se Evropa ka “humbur konkurrueshmërinë e saj” dhe nuk mund të konkurrojë më me Kinën, SHBA-në, “ndoshta edhe me Rusinë”./Klix.ba/
Raporti i CEPA-s: Rusia po zhvillon “luftë në hije” në Evropë, rritet rreziku i përshkallëzimit 
Momçilo Gajiq, udhëheqësi i grupit serb që shkaktoi trazira në Evropë me urdhër të inteligjencës ruse, strehohet në Moskë 
Kosova bashkë me vendet e tjera dënon sulmet iraniane në Ngushticën e Hormuzit 
Deputeti i Bundestagut gjerman: Ndërhyrja e NATO-s në ’99-ën ndali gjenocidin e Millosheviqit në Kosovë 
Ulja e orëve të gjuhëve të huaja në shkollat ruse si mjet militarizimi 
“Nuk e bënë shqiptarët” – Si u vra Milosh Vlashkoviqi në Mazgit nga dy ushtarë serbë, teksa grabisnin shtëpitë në vitin 1999