“Dhoma e ulët e parlamentit ka miratuar një tekst mbi aktet e gjenocidit kundër popullit ukrainas”, tha parlamenti kanadez në një deklaratë në Twitter të mërkurën mbrëma.
Teksti, i paraqitur me iniciativën e deputetes së majtë të Partisë së Re Demokratike, Heather McPherson, u miratua njëzëri.
Në dokument thuhet se “ekzistojnë prova të qarta dhe të forta të krimeve sistematike dhe masive të luftës dhe krimeve kundër njerëzimit të kryera kundër popullit të Ukrainës nga forcat e armatosura ruse, nën udhëheqjen e presidentit Vladimir Putin”.
Këto krime përfshijnë torturën, “krimet masive në territoret ukrainase, transferimin me forcë të fëmijëve ukrainas në territorin rus”, si dhe rastet e “dhunës fizike dhe psikologjike dhe përdhunimit”.
Duke miratuar tekstin, dhoma e ulët e parlamentit vlerësoi se “Rusia po kryen akte gjenocidi kundër popullit ukrainas”.
Në mesin e prillit, kryeministri kanadez Justin Trudeau përdori termin “gjenocid” për herë të parë pas Presidentit të SHBA Joseph Biden. Kremlini e konsideron termin të papranueshëm.
Rusia filloi pushtimin e Ukrainës më 24 shkurt./RSE
Zyra e Prokurorit të Krimit të Organizuar kërkon urgjentisht dokumentacion mbi faljet e dhëna nga Vuçiq 
Pas humbjes së Vuçiqit, Lista Serbe zotohet se do t’i ruajë lidhjet institucionale me Beogradin 
Lista e Studentëve nuk do të bashkëpunojë me Listën Serbe: Gashiq thotë se ajo ka qenë “kontraktor i SNS-it” në Kosovë 
Evropa nis financimin prej 24 miliardë dollarësh, Ukraina në fokus të planit SAFE 
Ukraina, Rusia dhe SHBA-ja drejt bisedimeve të reja për paqe në Abu Dhabi 
Raporti nga Zyra e Përfaqësuesit të Lartë në BiH: Lëvizjet e autoriteteve të RS po çojnë në ndarje de facto nga BiH