Situata në termocentralin bërthamor të Zaporizhzhya të Ukrainës, i cili është pushtuar nga forcat ruse, është “e paqëndrueshme” dhe mund të rezultojë e rrezikshme, paralajmëroi drejtori i përgjithshëm i Agjencisë Ndërkombëtare të Energjisë Atomike, Rafael Grossi.
Kujtojmë se forcat ruse pushtuan të gjithë zonën, përfshirë edhe vetë centralin bërthamor, i cili është më i madhi në Evropë.
Grossi paralajmëroi se IAEA është përpjekur vazhdimisht të fitojë akses në termocentralet bërthamore, por pa sukses. Ai shtoi se centrali bërthamor “kërkon riparime” që “ende nuk janë duke u realizuar”.
“Situata është ashtu siç e përshkrova. Kjo nuk është e qëndrueshme. Kjo është një dritë e kuqe që pulson,” tha Grossi.
Kreu i IAEA tha se në fillim të kësaj jave ai kishte diskutuar situatën në Zaporizhia me presidentin ukrainas Volodymyr Zelensky. Ai i tha atij se Ukraina nuk dëshiron që inspektorët e IAEA të vizitojnë termocentralin bërthamor ndërsa ai është nën kontrollin e një “pale të tretë”.
Grossi shtoi se ai vazhdon të ushtrojë presion mbi autoritetet ruse për të lejuar inspektorët të vizitojnë centralin bërthamor në Zaporizhia, duke thënë se ai pret një takim me zyrtarët rusë “së shpejti”, raportojnë agjencitë./RSE
Kongresisti Wilson: Serbia të ndalë kërcënimet ndaj Kosovës dhe të shkëputet nga Moska 
Nga nëntori, rusët, kinezët dhe turqit do të kenë nevojë për viza për të hyrë në Mal të Zi 
FAZ rikthen të kaluarën e Vuçiqit: Nga Varrezat Hebraike të Sarajevës te retorika e “Serbisë së Madhe” 
Nëna e njërit prej të rinjve të vrarë në “Panda” paralajmëron padi: Vuçiq e di të vërtetën, shteti serb i vrau fëmijët tanë 
Si i rekruton Rusia të huajt për luftën në Ukrainë: Nga ofertat joshëse deri te mashtrimi 
Lufta paralizon jugun e Iranit: Errësirë, mungesë karburantesh dhe varka të shkatërruara