Amerika sot feston Ditën e Pavarësisë

Shtetet e Bashkuara të Amerikës festojnë sot Ditën e Pavarësisë. 4 Korriku shënon 240-vjetorin e shpalljes së pavarësisë së Shteteve të Bashkuara të Amerikës. Deklarata e Pavarësisë është një dokument ku 13 kolonitë e Mbretërisë së Bashkuar nga Amerika e Veriut shpallën pavarësinë nga Mbretëria e Bashkuar.

Dokumenti i Pavarësisë u ratifikua më 4 Korrik 1776. Kushtetuta amerikane, e nënshkruar në vitin 1787 përshkruan më pas bazën dhe strukturën e qeverisë të Shteteve të Bashkuara, e cila është e ndarë në tri degë, në ato ekzekutive, legjislative dhe juridike, pra Presidenti, Kongresi dhe Gjykata e Lartë.

Dita e Pavarësisë në SHBA festohet me parada madhështore, festime familjare dhe mbyllet me hedhjen e fishekzjarrëve.

Moska bërët të ditur të hënën se nuk do t’i dërgojë një mesazh urimi Shteteve të Bashkuara për të shënuar Ditën e Pavarësisë.

Zëdhënësi i Kremlinit Dmitry Peskov u tha gazetarëve se urimet “vështirë se mund të konsiderohen të përshtatshme” duke përmendur ato që ai i quajti “politika jomiqësore” të Shteteve të Bashkuara.

SHBA-të e kanë kundërshtuar luftën e Rusisë në Ukrainë. Uashingtoni i ka dërguar Kievit armatime si dhe e ka ndihmuar atë me stërvitjen e trupave ushtarake të vendit, ndërsa udhëheq përpjekjet për sanksione kundër Rusisë.

Presidenti rus Vladimir Putin ka uruar udhëheqësit e mëparshëm amerikanë për festën, përfshirë ish-presidentët Donald Trump dhe Barack Obama.

Presidenti ukrainas Volodymyr Zelenskyy, në një postim në Twitter të hënën ka uruar Presidentin Biden dhe popullin amerikan për “paqe e prosperitet”.

“E vlerësoj ndihmën që paraprin të Shteteve të Bashkuara për Ukrainën, në mbrojtjen e vlerave të përbashkëta, sikurse liria, demokracia e pavarësia”, shkruante zoti Zelenskyy.