Ambasada SHBA-së u thotë amerikanëve në Rusi që “të kenë plane evakuimi”

Ambasada e SHBA-së në Rusi ka paralajmëruar amerikanët në vend “të shmangin turmat” dhe “të kenë plane evakuimi” për t’u larguar nga Rusia, duke cituar raportet e mediave për “kërcënimet për sulme”.

Këshilla shënon një përkeqësim të mëtejshëm të marrëdhënieve SHBA-Rusi në atë që disa vëzhgues tashmë e quajnë një Luftë e re e Ftohtë.

Një njoftim për sigurinë i postuar të dielën në faqen e internetit të ambasadës thoshte: “Sipas burimeve të medias, ka pasur kërcënime për sulme kundër qendrave tregtare, stacioneve hekurudhore dhe të metrosë dhe vendeve të tjera të grumbullimit publik në zonat kryesore urbane, duke përfshirë Moskën dhe Shën Petersburgun, si dhe në zonat e tensionit të shtuar përgjatë kufirit rus me Ukrainën.”