Skip to content
The Geopost

The Geopost

Rythmic Geostrategic Tracking

  • LAJME
  • SIGURI
  • ANALIZA
  • INTERVISTA
  • FACT CHECKING
  • Shqip
    • Shqip
    • Srpski
    • English
  • Intervista

Mandl për The Geopost: Serbia qartazi ka një ideologji urrejtjeje ndaj Kosovës, Evropa ka nevojë për ndihmën e SHBA-së

The Geopost January 29, 2023 7 min read
  • Klikoni që të ndahet me të tjerët përmes Twitter-it (Hapet në një dritare të re)
  • Klikoni që ta ndani me të tjerët në Facebook (Hapet në një dritare të re)
  • Klikoni për ta ndarë me të tjerët në WhatsApp (Hapet në një dritare të re)
  • Klikoni që t’i dërgoni një lidhje një shoku me email (Hapet në një dritare të re)
  • Klikoni për ta shtypur (Hapet në një dritare të re)

“Evropianët nuk janë në gjendje të ndihmojmë plotësisht veten, përsëri kemi nevojë për ndihmën e Shteteve të Bashkuara të Amerikës”.

Kështu është shprehur eurodeputeti Lukas Mandl në një intervistë për The Geopost, duke shtuar se Serbia ka një atmosferë urrejtjeje e një ideologji shumë negative ndaj Kosovës.

“Duhet të jemi të qartë për faktin se edhe në këtë gjendje agresioni nga jashtë në tokën evropiane, ne nuk jemi në gjendje të ndihmojmë plotësisht veten në Evropë, ne përsëri kemi nevojë për ndihmën e SHBA-së dhe dua të jem i sinqertë për këtë dhe të jem gjithmonë i qartë dhe transparent për këtë, por gjithsesi, Bashkimi Evropian po bën më shumë se kurrë më parë”, tha Mandl.

Eurodeputeti austriak shton se gjithmonë është Serbia që e bllokon Kosovën.

“Nuk është Kosova që bllokon Serbinë, është gjithmonë Serbia që bllokon Kosovën, madje edhe më e keqja, është qartazi një atmosferë urrejtjeje, një ideologji shumë negative ndaj Kosovës nga ky fqinj verior”, shtoi ai.

Mandl duke folur për agresionin ushtarak rus në Ukrainë thekson se Evropa po bën më shumë se kurrë më parë karshi kësaj situate.

“Evropa po bën më shumë se kurrë më parë në një situatë të tillë, nga ana tjetër nuk ka pasur një situatë të tillë që nga viti 1945, ka pasur luftërat ballkanike, ka pasur edhe sulmin kundër Kosovës, agresionin ndaj Kosovës dhe atë kohë Evropa nuk ishte në gjendje të zgjidhte vetë çështjet në tokën evropiane, ajo kishte nevojë për ndihmë nga jashtë dhe ne mund të jemi të qartë për këtë, ajo kishte nevojë për ndihmë nga Shtetet e Bashkuara të Amerikës”, thekson Mandl.

Sipas tij, nëse marrëveshja përfundimtare me Serbinë ka njohjen reciproke atëherë do t’i kontribuonte paqes dhe stabilitetit të rajonit.

“Shpresoj se do të jetë së shpejti dhe marrëveshja përfundimtare mund të jetë përfundimtare vetëm nëse ka të bëjë me njohjen reciproke në çdo aspekt dhe një kontakt të mirë të bashkëpunimit midis vendeve që janë edhe vende fqinje, kështu që kjo është objektivi dhe çdo gjë tjetër do të ishte shumë pak për t’i shërbyer të ardhmes së mirë në paqe dhe prosperitet dhe liri për të gjithë”, thekson ai.

Në këtë intervistë, po ashtu ai ka komentuar iniciativën e Parlamentit Evropian për të krijuar një Komisioni për komisionarin Oliver Varhelyi për shkak të lidhjeve të tij të ngushta me Aleksandar Vuçiqin.

Intervista e plotë

The Geopost: Si e shihni pushtimin e Ukrainës nga Rusia, a ka bërë mjaft Bashkimi Evropian për të ndihmuar Ukrainën?

Është gati një vit që Vladimir Putini dhe Rusia kanë bërë luftë kundër Ukrainës ushtarakisht, por me mjete dhe masa të asaj që ne e quajmë atë një luftë hibride kundër të gjithë neve, kundër gjithë botës së lirë dhe kjo është qartë diçka që duhet zgjidhur dhe Evropa është duke bërë shumë.

Evropa po bën më shumë se kurrë më parë në një situatë të tillë, nga ana tjetër nuk ka pasur një situatë të tillë që nga viti 1945, ka pasur luftërat ballkanike, ka pasur edhe sulmin kundër Kosovës, agresionin ndaj Kosovës dhe atë kohë Evropa nuk ishte në gjendje të zgjidhte vetë çështjet në tokën evropiane, ajo kishte nevojë për ndihmë nga jashtë dhe ne mund të jemi të qartë për këtë, ajo kishte nevojë për ndihmë nga Shtetet e Bashkuara të Amerikës.

Ne gjithashtu duhet të jemi të qartë për faktin se edhe në këtë gjendje agresioni nga jashtë në tokën evropiane, ne nuk jemi në gjendje të ndihmojmë plotësisht veten në Evropë, ne përsëri kemi nevojë për ndihmën e SHBA-së dhe dua të jem i sinqertë për këtë dhe të jem gjithmonë i qartë dhe transparent për këtë, por gjithsesi, Bashkimi Evropian po bën më shumë se kurrë më parë.

Është duke përdorur objektin evropian të paqes, i cili është menduar të përdoret pikërisht për situata si kjo, në mënyrë që të sigurojë evropianët dhe të ofrojë siguri për këtë brez në Evropë dhe për brezat që do të vijnë.

Shtetet anëtare të Bashkimit Evropian kanë rritur buxhetet e tyre të mbrojtjes, kanë investuar më shumë në siguri tani dhe krahas mbrojtjes ushtarake që po kryhet në Ukrainë, nga trupat e guximshme ukrainase në fakt, Evropa po bën gjithashtu diçka që është pjesë e qytetërimit tonë do të thosha sot, po mbrohet nga sulmi i përgjakshëm i luftës, me mjete masash jo-luftarake, me sanksione dhe sanksionet janë shumë të rëndësishme për të kapërcyer këtë sistem të krimit të organizuar të Putinit të Rusisë.

The Geopost: A mund të komentoni iniciativën e Parlamentit Evropian për të krijuar një Komisioni për komisionarin Oliver Varhelyi për shkak të lidhjeve të tij të ngushta me Aleksandar Vuçiqin?

Më duhet të ndaj me ju një pikëpamje të qartë se unë, në radhë të parë respektoj çdo zyrtar të BE-së. Në BE të gjithë janë të legjitimuar në mënyrë demokratike dhe të gjithë kanë përgjegjësi shumë të qartë, kjo është veçanërisht e vërtetë për Komisionin Evropian dhe ne si parlamentarë të Parlamentit Evropian, ne jemi ndër të tjera atje për të shqyrtuar sjelljen e Komisionit Evropian, ne jemi gjithashtu atje që të kontrollojmë njërin apo tjetrin zhvillim dhe sigurisht të vendosë kuadrin ligjor për gjithçka që ka të bëjë me BE-në.

Roli ynë është ai i ligjvënësve, natyrisht së bashku me qeveritë e vendeve anëtare dhe në bazë të rekomandimeve të dy komisioneve. Thënë këtë, unë pata disa biseda kritike me komisionin për zgjerim që sapo përmendët në Komisionin e Punëve të Jashtme të Parlamentit Evropian disa muaj më parë me rastin e një raporti mbi proceset integruese.

Komisionari për shembull deklaroi qëndrimin e tij se Kosova duhet të kontribuojë më shumë në dialog, unë u përgjigja qartë me pyetjen, pse Kosova duhet të kontribuojë më shumë në dialog kur nuk është Kosova që bllokon Serbinë, është gjithmonë Serbia që bllokon Kosovën, madje edhe më e keqja, është qartazi një atmosferë urrejtjeje, një ideologji shumë negative ndaj Kosovës nga ky fqinj verior.

Të paktën mund të them pas këtij takimi publik në Komisionin e Punëve të Jashtme, pas disa bisedave personale edhe me të, e kam dëgjuar të thotë në seancën plenare të Parlamentit Evropian se dëshiron që të dyja palët të kontribuojnë në dialog.

Ky është ende një pozicion që ka nevojë për ndonjë interpretim shtesë sepse nuk janë të dyja palët në të njëjtin nivel, siç do të duhej të ishin.

Gjithçka që ju bëni për arsye të dukshme në aspektin historik, në aspektin e madhësisë, në aspektin e status quo-së, në aspektin e njohjes dhe mosnjohjes dhe anëtarësimit në organizatat ndërkombëtare, kështu që ne duhet të bëjmë shumë atje dhe ju mund të jeni të sigurt, se ka shumë anëtarë të Parlamentit Evropian që me të vërtetë duan të shohin komisionin të sillet në një mënyrë pozitive konstruktive për zgjidhjen e çështjeve krah për krah me partnerin tonë transatlantik, Shtetet e Bashkuara të Amerikës, por gjithmonë nën udhëheqjen e Bashkimit Evropian, sepse Kosova është Evropiane, pjesa tjetër e Ballkanit është qartësisht evropiane, në fakt ata janë në mes të Evropës dhe kjo është arsyeja pse nëse Evropa e merr veten seriozisht dhe Evropa dëshiron të angazhohet në fatin e saj, si të thuash me fatin e saj, atëherë do të jetë e nevojshme të zgjidhen qartë këto çështje.

The Geopost: A shihni një marrëveshje mes Kosovës dhe Serbisë këtë vit?

Unë nuk parashikoj kohë dhe data, sepse kam qenë në politikë për një kohë të gjatë për të ditur ose për të mos ditur që gjërat mund të shtyhen dhe gjërat ndodhin herë pas here për arsye racionale, por edhe ndonjëherë për arsye irracionale, por pa marrë parasysh se kur do të jetë marrëveshja përfundimtare.

Shpresoj se do të jetë së shpejti dhe marrëveshja përfundimtare mund të jetë përfundimtare vetëm nëse ka të bëjë me njohjen reciproke në çdo aspekt dhe një kontakt të mirë të bashkëpunimit midis vendeve që janë edhe vende fqinje, kështu që kjo është objektivi dhe çdo gjë tjetër do të ishte shumë pak për t’i shërbyer të ardhmes së mirë në paqe dhe prosperitet dhe liri për të gjithë. /The Geopost/

 

Continue Reading

Previous: Ambasadori Walker për The Geopost: Serbia ka investuar shumë në propagandën kundër masakrës së Reçakut, Vuçiqi ishte në zinxhirin komandues të Millosheviqit
Next: Brkan nga Raskrinkavanje: Sputnik dhe Russia Today po i ndihmojnë mediet në Ballkan në shtrirjen e dezinformatave

Kapiteni ukrainas Tregubov nga fronti i luftës në Bakhmut për The Geopost: Fitorja është e jona, propaganda ruse është shkatërruar nga vet gënjeshtrat e saja 6 min read
  • Intervista

Kapiteni ukrainas Tregubov nga fronti i luftës në Bakhmut për The Geopost: Fitorja është e jona, propaganda ruse është shkatërruar nga vet gënjeshtrat e saja

The Geopost March 19, 2023
Koloneli amerikan Fischer: Serbia po bëhet gjithnjë e më e izoluar, Vuçiq ende i ka sytë kah Kremlini dhe është jashtëzakonisht i lidhur me Putinin 10 min read
  • Intervista

Koloneli amerikan Fischer: Serbia po bëhet gjithnjë e më e izoluar, Vuçiq ende i ka sytë kah Kremlini dhe është jashtëzakonisht i lidhur me Putinin

The Geopost March 12, 2023
Bakh për The Geopost: Shumë probleme që ka Ballkani me Rusinë do të zgjidhen me fitoren e Ukrainës 9 min read
  • Intervista

Bakh për The Geopost: Shumë probleme që ka Ballkani me Rusinë do të zgjidhen me fitoren e Ukrainës

The Geopost March 5, 2023
Avokati serb Stojkoviq: Grupi mercenar rus Wagner vepron në Serbi përmes Aleksandar Vulinit i ndihmuar nga BIA 25 min read
  • Intervista

Avokati serb Stojkoviq: Grupi mercenar rus Wagner vepron në Serbi përmes Aleksandar Vulinit i ndihmuar nga BIA

The Geopost February 26, 2023
Gërguri: Serbia është e përfshirë në shpërndarjen e propagandës, shtetet e tjera të rajonit të punojnë në luftimin e dezinformimit 9 min read
  • Intervista

Gërguri: Serbia është e përfshirë në shpërndarjen e propagandës, shtetet e tjera të rajonit të punojnë në luftimin e dezinformimit

The Geopost February 19, 2023
Pichler: Ballkani është shumë i rëndësishëm për dezinformimin rus, në Serbi po përdoren mediet dhe diapora si mjete për të propaganduar 8 min read
  • Intervista

Pichler: Ballkani është shumë i rëndësishëm për dezinformimin rus, në Serbi po përdoren mediet dhe diapora si mjete për të propaganduar

The Geopost February 12, 2023
Tweets by theGeopost

logos_together

The Geopost is sponsored by the U.S. Embassy in Kosovo and the Bureau of Educational & Cultural Affairs (ECA) through their TechCamp Kosovo project implemented in partnership with FLOSSK.

The opinions, findings and conclusions stated herein are those of the author[s] and do not necessarily reflect those of the United States Department of State.”

The Geopost

Contact

  • info@thegeopost.com
  • Qendra Tregtare
    Bregu i Diellit, 10000 Prishtinë
Facebook-f Twitter Youtube

Copyright © The Geopost | Kreeti by AF themes.