Vuçeviq dezinformon se “Kurti po përdor ngjarjet për të dërguar FSK në veri”

Kryeministri i Serbisë Millosh Vuçeviq ka paraqitur më shumë dezinformata për kryeministrin Albin Kurti dhe situatën në veri. Ai dezinformon se Kurti po i shfrytëzon incidentet në veri për të bërë presion mbi bashkësinë ndërkombëtare për hyrjen e Forcës së Sigurisë së Kosovës (FSK) në veri të Kosovës.

Çfarë tha Vuçeviq?

Kryeministri i Serbisë, Millosh Vuçeviq, ka thënë se ka frikë se kryeministri i Kosovës, kryeministri Albin Kurti, do t’i shfrytëzojë ngjarjet e mbrëmshme në Kosovë për presione dhe sulme të mëtejshme ndaj komunitetit serb, me qëllim që FSK të hyjë në veri të Kosovës.

“Presioni më i madh i Kurtit është që të lejojë të ashtuquajturat forca të sigurisë së Kosovës të hyjnë në veri të Kosovës, ary ku nuk lejohen të hyjnë”. Dhe Kurti po e shfrytëzon atë që ndodhi mbrëmë për të bërë presion mbi bashkësinë ndërkombëtare që KFOR-i të dorëzohet dhe forcat e sigurisë së Kosovës të hyjnë në veri të Kosovës.

Analiza:

Serbët në Kosovë nuk kërcënohen nga institucionet e Kosovës, por nga manipulimi politik nga Beogradi. Pretendimet e Vuçeviqit janë pjesë e strategjisë më të gjerë të Beogradit, e cila i portretizon serbët si viktima, ndërsa përdor veriun e Kosovës për destabilizimin dhe aktivitetet kriminale.

Kryeministri i Kosovës, Albin Kurti, në konferencën e mbajtur dje lidhur me sulmin e fundit nga Serbia tha se Kosova respekton marrëveshjen dhe se pa pëlqimin e KFOR-it, FSK nuk do të vendoset në veri.

Beogradi financon dhe mbështet vazhdimisht strukturat kriminale që sabotojnë integrimin e veriut të Kosovës në sistemin ligjor të Kosovës. Ato grupe, duke përfshirë edhe ata që janë përgjegjës për dhunën, veprojnë me mbështetjen e heshtur të autoriteteve serbe, ndërsa Vuçeviç po përpiqet t’ia kalojë përgjegjësinë Prishtinës.

/The Geopost