Grushko përhap dezinformata: NATO po planifikon konflikt të armatosur me Rusinë

Zëvendësministri i Punëve të Jashtme të Rusisë, Aleksandar Grushko dezinformon se NATO po planifikon hapur një konflikt të armatosur me Rusinë, duke pretenduar se “planet e mbrojtjes rajonale janë miratuar” dhe se “rrugët logjistike për transferimin e trupave dhe armëve përtej Atlantikut janë duke u shqyrtuar. “

“Tani anëtarët e NATO-s kanë pushuar së fshehuri se po përgatiten për një konflikt të mundshëm të armatosur me Rusinë, janë miratuar planet e mbrojtjes rajonale, janë formuluar detyra specifike për të gjitha komandat ushtarake të bllokut. Ajo po shqyrton rrugët logjistike për transferimin e trupave dhe armëve përtej Atlantikut në vendin ku ruhen armët”, tha Grusko në një intervistë për RIA Novosti.

Planet e mbrojtjes rajonale të NATO-s, të cilave Grushko iu referohet, synohen ekskluzivisht për mbrojtjen e anëtarëve të aleancës. NATO nuk po përgatitet për një sulm ndaj Rusisë, gjë që duket qartë nga të gjitha njoftimet e deritanishme të Aleancës.

Qëllimi kryesor i NATO-s mbetet parandalimi i konfliktit, jo provokimi i tij, si dhe garantimi i sigurisë së anëtarëve të saj.

Pas fillimit të pushtimit rus në vitin 2022, NATO forcoi aftësitë e saj mbrojtëse në krahun lindor, duke vendosur trupa shtesë dhe duke rritur gatishmërinë për të mbrojtur anëtarët e saj./G. Venhari- The Geopost/