A do të vazhdojë politika e njëjtë serbe ndaj Rusisë edhe pas zgjedhjeve?

Gjithnjë e më shumë po shtohen akuzat dhe faktet se presidenti i Serbisë, Aleksandar Vuçiq, ka përdorur agresionin rus kundër Ukrainës për fushatën e tij për zgjedhjet e ardhshme. Serbia ka mbetur pothuajse e vetme në Evropë duke refuzuar t’i bashkohet izolimit ndërkombëtar të Rusisë për shkak të pushtimit të Ukrainës. A do të ndryshojë kjo pas zgjedhjeve në Serbi?

Presidenti serb Aleksandar Vuçiq, megjithatë, ka vendosur të kandidojë në zgjedhjet e ardhshme presidenciale, ndonëse ka deklaruar disa herë se “nuk beson se do të kandidojë përsëri”. Presidenti serb, i cili është i bindur se do të fitojë edhe një mandat presidencial, drejtoi një fushatë të pandërprerë. Dihet se ai dhe partia e tij janë të angazhuar në frikësim dhe shantazh për të marrë pothuajse çdo votë, sepse sistemi në Serbi ka kohë që po kalbet dhe fajtori i vetëm për këtë është vetë Vuçiqi.

Duket se ai gëzon mbështetjen e madhe të popullit të Serbisë, por e vërteta është krejtësisht ndryshe.

Përveç llogarisë në mbështetjen e Rusisë në bllokimin e anëtarësimit të Kosovës në institucionet dhe organizatat ndërkombëtare, Serbia është plotësisht e varur nga gazi rus. Zyrtarët vendas pohojnë se e kanë marrë me një çmim të mirë, çka është pikërisht ajo që po konteston Vuçiq, se në cilën rrugë do të shkojë, nëse është rruga drejt BE-së dhe Perëndimit, apo Rusisë.

Megjithatë, muajin e kaluar, Serbia u pajtua për herë të parë me disa masa kufizuese të Bashkimit Evropian në lidhje me krizën në Ukrainë që nga shpërthimi i saj në 2014. Më 3 mars, Këshilli i BE-së zgjati sanksionet kundër ish-presidentit pro-rus të Ukrainës, Viktor Janukoviç dhe anëtarëve të tjerë të qeverisë ukrainase që nga koha e mandatit të tij, dhe Serbia, e cila nuk respektoi këtë masë në vitin 2014, tani e ka bërë.

E gjithë kjo tregon se politikës së Vuçiqit për t’u ulur në dy karrige po i vjen fundi dhe se ai ende duhet të vendosë nëse në të ardhmen do t’i drejtohet Perëndimit apo Rusisë.

Kryetari i Partisë Socialiste të Serbisë (SPS), Ivica Daçiq, krahu i djathtë i Vuçiqit, deklaroi se nuk pret që qeveria e re serbe të vendosë sanksione ndaj Rusisë pas zgjedhjeve, ndër të tjera sepse socialistët, të cilët udhëhiqen nga ai, do të marrin pjesë në punën dhe vendimet e saj.

“Ne kundërshtojmë sanksionet kundër Rusisë. Kjo është edhe politika jonë shtetërore për të gjithë tetë vitet e fundit, që nga koha kur Perëndimi ka aplikuar sanksione kundër Rusisë”, përsëriti ai qëndrimin e tij.

Ai ka thënë se do të përpiqet që Serbia t’i qëndrojë “besnike” Rusisë dhe në të njëjtën kohë do të përpiqet që sa më shpejt të bëhet anëtare e Bashkimit Evropian, gjë që është e pamundur.

Te bindur se do t’i fitojnë zgjedhjet, Daçiq si kryeministër i ardhshëm dhe Vuçiq ende si president, kanë një marrëveshje të fortë për të vazhduar bashkëpunimin pas zgjedhjeve dhe për të ndjekur një politikë të përbashkët, një politikë fillimi i së cilës nuk kishte fund, pikë, por vetëm një presje që fshihet lehtësisht.