Presidenti ukrainas Volodymyr Zelensky pohoi në Kombet e Bashkuara të mërkurën se udhëheqësi rus Vladimir Putin po planifikonte sulme ndaj termocentraleve bërthamore në vendin e tij dhe paralajmëroi për pasoja katastrofike.
“Kohët e fundit kam marrë një tjetër raport alarmues nga agjencia jonë e inteligjencës. Tani Putini në fakt duket se po planifikon sulme ndaj termocentraleve dhe infrastrukturës sonë bërthamore me synimin për t’i shkëputur ato nga rrjeti i energjisë, “tha Zelensky në Asamblenë e Përgjithshme të OKB-së.
Zelensky, i cili mbajti fjalimin e tij në anglisht, tha se Rusia po përdorte satelitët për të mbledhur imazhe dhe informacione të detajuara rreth infrastrukturës bërthamore të Ukrainës.
“Çdo incident kritik në sistemin energjetik mund të çojë në një katastrofë bërthamore, një ditë e tillë nuk duhet të vijë kurrë”, tha Zelensky.
“Moska duhet ta kuptojë këtë, dhe kjo varet pjesërisht nga vendosmëria juaj për të ushtruar presion mbi agresorin”, tha ai.
“Këto janë termocentrale bërthamore. Duhet të jenë të sigurta.”/BARRON’S/
Dezinformim në Instagram: Pamjet nga Prishtina u paraqitën në mënyrë të rreme si lëvizje drejt Mitrovicës së Veriu 
Propaganda nga Moska: Si i përdorën mediat ruse aktgjykimet e Hagës ndaj drejtuesve të UÇK-së për sulm ndaj Perëndimit 
Si e deformuan mediat serbe protestën në Prishtinë 
ISW paralajmëron për fushatë të koordinuar ruse kundër Evropës: NATO duhet të përgatitet për sulme të mundshme 
Serbia dhe Uzbekistani paralajmërojnë bashkëpunim për raketa, analisti ngre pikëpyetje për interesat ruse 
Dronët ukrainas vranë gjeneralin rus të dekoruar nga Putin