Deklaratat e kryetarit të Lëvizjes Socialiste të Serbisë, Aleksandar Vulin, janë parë në Podgoricë dhe në rajon si pjesë e vazhdimit të retorikës politike me të cilën Beogradi ushtron presion ndaj Malit të Zi lidhur me çështjen e Kosovës.
Vulin ka kritikuar ashpër vendimin e Qeverisë së Malit të Zi për njohjen e pavarësisë së Kosovës, duke e cilësuar atë si veprim të një “qeverie pro-evropiane dhe anti-serbe”, dhe duke pretenduar se me këtë vendim Mali i Zi “ka humbur dinjitetin dhe heroizmin e tij historik”.
Ai ka shtuar se njohja e Kosovës, sipas tij, nuk reflekton vullnetin e popullit malazez dhe se përbën largim nga tradita e mëparshme politike e shtetit.
Deklarata të tilla janë si pjesë e narrativës politike nga Beogradi, e cila synon të mbajë ndikim në vendimmarrjen e Podgoricës për çështje të politikës së jashtme, veçanërisht në raport me Kosovën.
Kjo retorikë është parë si formë e presionit diplomatik dhe politik, në një kohë kur Mali i Zi po përpiqet të konsolidojë orientimin e tij euroatlantik dhe marrëdhëniet me Bashkimin Evropian.
The Geopost
Kosova sërish në propagandën e Moskës – Medvedev përmend njohjen e Kosovës dhe kërcënon Perendimin për “pasoja” 
Palmer paralajmëron për ndikimin rus në Ballkan: Zvarritja e integrimit në BE dhe NATO e lë rajonin të cenueshëm 
Ngrihet aktakuzë ndaj Fatmir Shehollit për spiunazh dhe shantazh 
Margetiq: Aleksandar Vuçiq vrau civilë gjatë rrethimit të Sarajevës 
BE-ja drejt reformës së zgjerimit: Integrim gradual për vendet kandidate dhe kontrolle më të rrepta 
Zgjedhjet që trembin Vuçiqin: Premtime për votuesit, skenarë destabilizimi pas kutive të votimit