Zëvendësministri i Punëve të Jashtme i Rusisë Aleksandar Grushko ka shkuar të hënën në Beograd për të rritur lidhjen mes dy vendeve tradicionale aleate. Zëvendësi i Lavrovit ka takuar ministrin e Punëve të Brendshme Ivica Daçiq dhe zëvendëskryeministrin Aleksandar Vulin, ku janë diskutuar çështjet e sigurisë ndërmjet Rusisë dhe Serbisë.
Aty shtohet se Daçiq dhe Grushko kanë biseduar për “çështje aktuale të sigurisë dhe kanë shprehur nevojën për koordinim të vazhdueshëm të institucioneve kompetente të sigurisë”.
“U diskutua edhe për vazhdimin e bashkëpunimit dypalësh ndërmjet dy vendeve, me theks të veçantë për intensifikimin e mëtejshëm të bashkëpunimit në fushën e punëve të brendshme, veçanërisht në situatat emergjente”, njoftoi MPB e Serbisë.
Gjithashtu, ata kanë zbuluar se Serbia bashkëpunon me Rusinë në fushën e punëve të brendshme përmes shkëmbimit të informacionit dhe bashkëpunimit mes policive të dy vendeve.
Zëvendësi i Lavrovit nuk është kthyer në Moskë pa e takuar edhe aleatin e tyre, zëvendëskryeministrin e Serbisë dhe ish-shefin e Agjencisë së Inteligjencës (BIA) Aleksandar Vulin, i cili është në listën e sanksioneve amerikane për shkak të lidhjeve të tij me Rusinë dhe korrupsion.
Vulin dhe Grushko lavdëruan marrëdhëniet mes të dyja vendeve dhe u zotuan se do t’i thellojnë edhe më shumë ato.
Vulin falënderoi Rusinë për mbështetjen që i jep Serbisë për Kosovën.
Serbia është një vend kandidat për Bashkimi Evropian por ajo po vazhdon rritjen e lidhjeve të saj me Rusinë dhe tash edhe me Kinën, pavarësisht shqetësimeve në rritje dhe paralajmërimeve nga BE për bashkërendim të politikës së saj ta jashtme. /The Geopost/

Bosnja dhe Hercegovina i ndalon hyrjen Milan Radoiçiqit: Shpallet kërcënim për sigurinë kombëtare për shkak të sulmit terrorist në Banjskë
Gjykata në Beograd lëshon fletarrestim për Milan Radoiçiqin
Selimi: Ndikimi i mediave ruse në Ballkan, më i madh se kurrë
Ministri serb në Moskë: Nuk heqim dorë nga Kosova, partneriteti me Rusinë dhe Kinën mbetet strategjik
REM gjobit televizionet Informer dhe B92: Ndalohen emisionet dhe reklamat, arrestohen gjashtë persona për kërcënime ndaj gazetares
Avokati serb: Dosjet e BIA-s mund ta tronditin Serbinë, nga vrasja e Ivanoviqit te lidhjet e shërbimit me pushtetin