Presidenti ukrainas Volodymyr Zelenskiy tha të enjten se delegacionet ukrainase dhe amerikane do të takohen këtë javë për të punuar për një formulë të diskutuar në bisedimet në Gjenevë, me qëllim sjelljen e paqes dhe ofrimin e garancive të sigurisë për Kievin.
“Ekipi ynë, së bashku me përfaqësuesit amerikanë, do të takohen në fund të kësaj jave për të vazhduar afrimin e pikave që kemi si rezultat i (bisedimeve në) Gjenevë në një formë që do të na çojë në rrugën e paqes dhe garancive të sigurisë,” tha Zelenskiy në video-fjalimin e tij të natës.
“Do të ketë një takim të delegacioneve. Delegacioni ukrainas do të jetë i përgatitur mirë dhe i fokusuar në punë kuptimplote.”
Zelenskiy tha se do të ketë bisedime të mëtejshme javën e ardhshme që përfshijnë të dy delegacionet dhe atë vetë, megjithëse nuk dha detaje.
“Javën e ardhshme do të ketë bisedime të rëndësishme jo vetëm me delegacionin tonë, por duke përfshirë edhe mua,” tha ai. “Dhe ne po përgatisim një bazë të fortë për bisedime të tilla. Ukraina do të qëndrojë fort në këmbët e saj. Ajo do të qëndrojë gjithmonë në këmbë.”
“Radar” publikon dokumentet ekskluzive të mbikëqyrjes sekrete të kritikëve të Vuçiqit nga BIA 
Vuçiq fali 49 persona para largimit nga presidenca, në listë ish-zyrtarë dhe persona të përfshirë në incidente 
“Mblidhnin vota për SNS-në e Vuçiqit”, avokati Niniq ngre kallëzim penal ndaj tetë zyrtarëve të BIA-s 
Zyra e Prokurorit të Krimit të Organizuar kërkon urgjentisht dokumentacion mbi faljet e dhëna nga Vuçiq 
Pas humbjes së Vuçiqit, Lista Serbe zotohet se do t’i ruajë lidhjet institucionale me Beogradin 
Lista e Studentëve nuk do të bashkëpunojë me Listën Serbe: Gashiq thotë se ajo ka qenë “kontraktor i SNS-it” në Kosovë