Vuçiq takohet me zëvendëskryeministrin kinez, thotë se Kina po e mbështet Serbinë nga “ndërhyrjet e huaja” për të cilat akuzon Perëndimin

Presidenti i Serbisë, Aleksandar Vuçiq, është takuar me zëvendëskryeministrin e parë të Kinës, Ding Xuesiang, duke thënë se  Kina ka deklaruar mbështetjen e saj për ruajtjen e integritetit territorial të Serbisë, si dhe “për mbështetjen e Serbisë në parandalimin e ndërhyrjeve të huaja”, e cila, tha ai, është e dukshme.

Vuçiq ka akuzuar Perëndimin për një “revolucion me ngjyra” për protestat e studentëve e opozitës që të cilët po kërkojnë përgjegjësi politike dhe penale për rrëzimin e strehës prej betoni në Stacionin Hekurudhor në Novi Sad më 1 nëntor, ku humbën jetën 15 persona dhe u plagosën rëndë dy të tjerë.

Vuçiq në këtë takim e ka përkrahur Kinën edhe në politikat e saj për Tajvanin.

“Ne folëm edhe për çështje politike dhe shpreha mbështetjen e plotë për zgjidhjen e çështjes së Tajvanit nga Republika Popullore e Kinës, në përputhje me parimet e politikës së ‘një Kine’.

Kinezët kanë deklaruar pa mëdyshje mbështetjen e tyre për ruajtjen e integritetit territorial të Serbisë, duke përfshirë Kosovën si pjesë e tona, Kemi biseduar edhe për gjërat në vendin tonë, ku pala kineze ka vendosur shumë qartë të mbështesë shtetin e Serbisë dhe mosndërhyrjen e faktorëve të huaj, gjë që është e dukshme në kushtet tona”, u tha Vuçiq gazetarëve në Davos.

Në Davos, Vuçiq ka deklaruar se “patjetër që do të duhet të flas me Putin së shpejti”./The Geopost/