Trupat ruse kanë filluar të largohen nga termocentrali bërthamor i Çernobilit meqw u ekspozuan ndaj “dozave të konsiderueshme” të rrezatimit, pasi hapën llogore në një vend shumë të kontaminuar, tha të enjten Energoatom në pronësi të shtetit ukrainas ndërsa përleshjet u ndezën në periferi të Kievit dhe në fronte të tjera.
Energoatom nuk dha detaje mbi gjendjen e ushtarëve rusë apo sa prej tyre besohet se janë ekspozuar ndaj rrezatimit. Megjithatë, u njoftua se rusët po hapnin llogore në pyll brenda zonës së ndaluar rreth termocentralit bërthamor tashmë të mbyllur, ku ndodhi katastrofa më e rëndë bërthamore në botë në vitin 1986.
Ushtarët “filluan të panikohen në shenjat e para të sëmundjes, të cilat u shfaqën shumë shpejt” dhe po përgatiten të largohen nga Çernobili, sipas Energoatom.
Kremlini nuk e ka komentuar ende lajmin se ushtarët rusë janë ekspozuar ndaj rrezatimit.
Forcat ruse pushtuan Çernobilin në fazat e hershme të pushtimit që filloi më 24 shkurt, gjë që ngjalli frikën se mund të shkaktonin dëme ose shqetësime që mund të çonin në përhapjen e rrezatimit. Punëtorët ukrainas në vend po mbikëqyrin ruajtjen e sigurt të shufrave të karburantit të shpenzuar dhe mbetjeve të betonuara të reaktorit që shpërtheu.
Raporti i CEPA-s: Rusia po zhvillon “luftë në hije” në Evropë, rritet rreziku i përshkallëzimit 
Momçilo Gajiq, udhëheqësi i grupit serb që shkaktoi trazira në Evropë me urdhër të inteligjencës ruse, strehohet në Moskë 
Kosova bashkë me vendet e tjera dënon sulmet iraniane në Ngushticën e Hormuzit 
Deputeti i Bundestagut gjerman: Ndërhyrja e NATO-s në ’99-ën ndali gjenocidin e Millosheviqit në Kosovë 
Ulja e orëve të gjuhëve të huaja në shkollat ruse si mjet militarizimi 
“Nuk e bënë shqiptarët” – Si u vra Milosh Vlashkoviqi në Mazgit nga dy ushtarë serbë, teksa grabisnin shtëpitë në vitin 1999