Tre raketa ruse goditën qytetin e Vinnytsia në Ukrainën qendrore, duke vrarë 12 civilë, duke përfshirë një fëmijë të vogël dhe duke plagosur 25 persona, njoftoi Shërbimi Shtetëror i Urgjencës i Ukrainës.
Kreu i policisë kombëtare, Ihor Klimenko, tha se raketat goditën zonën e biznesit dhe ndërtesat e banimit aty pranë dhe se një zjarr shpërtheu edhe në parkingun pranë tij.
“Ka të vdekur dhe të plagosur, mes tyre edhe një fëmijë i vogël. Çfarë është nëse jo terrorizmi?”, pyeti presidenti ukrainas Volodymyr Zelensky në Telegram.
Ministria ruse e Mbrojtjes nuk komentoi mbi akuzat për sulmin në Vinnytsia.
Forcat ukrainase goditën dy poste ushtarake në një sulm të dytë në Ukrainën jugore, e cila kontrollohet nga Rusia.
Trembëdhjetë “pushtues” u vranë në sulmin në Nova Kakovka në rajonin Kherson, tha Serhiy Bratchuk, zëdhënësi i rajonit të Odesës.
Ministria ruse e Mbrojtjes nuk i ka konfirmuar këto pretendime. /RSE
Ambasadori Hamilton: Rusia po përdor dezinformimin për destabilizim në Ballkan 
Çështja e Iranit, si vepruan presidentët amerikanë në luftëra të mëparshme për autorizim të Kongresit? 
Raporti i CEPA-s: Rusia po zhvillon “luftë në hije” në Evropë, rritet rreziku i përshkallëzimit 
Momçilo Gajiq, udhëheqësi i grupit serb që shkaktoi trazira në Evropë me urdhër të inteligjencës ruse, strehohet në Moskë 
Kosova bashkë me vendet e tjera dënon sulmet iraniane në Ngushticën e Hormuzit 
Deputeti i Bundestagut gjerman: Ndërhyrja e NATO-s në ’99-ën ndali gjenocidin e Millosheviqit në Kosovë