Burime brenda institucioneve vendore dhe ndërkombëtare të sigurisë konfirmojnë se Millan Radojçiq, i njohur si organizator i grupeve kriminale dhe i shpallur terrorist nga institucionet e Kosovës, është duke ndërmarrë veprime për të destabilizuar proceset demokratike në vend.
Sipas këtyre burimeve, Radojçiq po tenton të shantazhojë përfaqësues të komuniteteve joshumicë, me synim të zgjerojë në heshtje grupin parlamentar të Listës Serbe dhe të pengojë formimin e institucioneve të reja. Strukturat e sigurisë janë alarmuar nga biseda të incizuara që dëshmojnë përpjekjet e tij për të ushtruar ndikim përmes presionit dhe kërcënimeve të drejtpërdrejta ndaj individëve të caktuar.
Përveç shantazheve, ekzistojnë indikacione për plane më të gjera që përfshijnë organizimin e protestave të orkestruara dhe përfshirjen e grupeve të maskuara kriminale e terroriste për të mbështetur agjendat destabilizuese të Beogradit dhe Presidentit Vuçiq.
Radojçiq, i cili faktikisht vazhdon të udhëheq Listën Serbe, akuzohet për ndërhyrje në zgjedhje dhe organizim të strukturave kriminale me qëllim pengimin e integrimit institucional të Kosovës.
Burimet ndërkombëtare theksojnë se sjellja e Serbisë ka kaluar “vijat e kuqe” dhe se tolerimi i mëtejshëm i këtyre veprimeve është bërë i papranueshëm për partnerët ndërkombëtarë të Kosovës.
/The Geopost
Kongresisti Wilson: Serbia të ndalë kërcënimet ndaj Kosovës dhe të shkëputet nga Moska 
Nga nëntori, rusët, kinezët dhe turqit do të kenë nevojë për viza për të hyrë në Mal të Zi 
FAZ rikthen të kaluarën e Vuçiqit: Nga Varrezat Hebraike të Sarajevës te retorika e “Serbisë së Madhe” 
Nëna e njërit prej të rinjve të vrarë në “Panda” paralajmëron padi: Vuçiq e di të vërtetën, shteti serb i vrau fëmijët tanë 
Si i rekruton Rusia të huajt për luftën në Ukrainë: Nga ofertat joshëse deri te mashtrimi 
Lufta paralizon jugun e Iranit: Errësirë, mungesë karburantesh dhe varka të shkatërruara