Të paktën gjashtë persona kanë humbur jetën dhe nëntë janë plagosur në një sulm terrorist me armë të martën mbrëma në qytezën Jaffa, në pjesën qendrore të Izraelit, sipas një deklarate të policisë izraelite. Mediat izraelite patën njoftuar më herët për tetë viktima.
Sipas ekipeve të emergjencave, të paktën katër nga të plagosurit ishin në gjendje kritike.
Sulmi ndodhi në afërsi të stacionit të trenit në këtë qytet dhe i parapriu sulmit me raketa nga Irani.
Sipas të përditshmes “Jerusalem Post”, dy persona të armatosur u panë të dilnin nga treni dhe rrjedhimisht u qëlluan për vdekje nga forcat e sigurisë.
Nuk pati ndonjë deklaratë të menjëhershme për marrjen e përgjegjësisë për sulmin, por ministri izraelit i Financave, Bezalel Smotrich tha se autorët ishin palestinezë nga qyteti Hebron, i Bregut Perëndimor.
Në një deklaratë të policisë thuhet se rreziku ishte neutralizuar dhe situata në Jaffa ishte vënë në kontroll. Policia tha se janë njoftuar ndërkohë edhe familjet e viktimave./Zëri i Amerikës/
NATO: KFOR ka nisur përshtatjen e pozicionimit dhe pranisë në terren pas përmirësimt të sigurisë në Kosovë 
Vuçiq “i puth dorën” Zelenskyt, ndërsa i ruan shpinën Putinit 
Senatori amerikan thekson përparimin në Senat ndërsa projektligji për sanksione ndaj Rusisë dhe Iranit i afrohet votimit 
SHBA kërkon ekstradimin e hakerit iranian të arrestuar në Mal të Zi 
Hulumtimi i IRI: Serbët favorizojnë marrëdhënie më të ngushta me Rusinë, pasuar nga Kina 
Raporti britanik: AI tentoi të mashtronte njerëz dhe të fshihte gjurmët e saj