Në mbledhjen e fundit të Këshillit të Sigurimit të Kombeve të Bashkuara në Nju Jork, Serbia vazhdoi me narrativat e saj kundër Kosovës. Ministri i Jashtëm i Serbisë, Marko Gjuriq, u ankua për mbylljen e strukturave paralele serbe dhe pretendoi se serbët në Kosovë po përballen me “luftë për mbijetesë”. Por ndaj këtyre deklaratave reagoi ministrja në detyrë e Punëve të Jashtme të Kosovës, Donika Gërvalla, e cila i cilësoi pretendimet serbe si propagandë dhe kritikoi përdorimin e termit “Kosova e Metohija”, duke e lidhur me ambiciet hegjemoniste të Serbisë dhe me retorikën e regjimit të Millosheviqit.
Gjuriq, i cili u ankua për mbylljen e strukturave paralele serbe në Kosovë, u viktimizua se gjoja serbët po “shtypen” nga Qeveria në detyrë e Kosovës.
“Të drejtat themelore të serbëve jo vetëm që po injorohen, por po gërryhen sistematikisht. Ajo që shohim sot është një luftë, betejë për siguri dhe mbijetesë”, pretendoi ai.
Krahas kësaj, ai përsëriti kërkesën për themelimin e Asociacionit të komunave me shumicë serbe në Kosovë, ndërsa Kosovës iu drejtua me termin “Kosova e Metohija” – diskurs të cilin e demantoi zëvendëskryeministrja e Kosovës në detyrë, Donika Gërvalla.
Ajo theksoi se “se përdorimi i termit ‘Kosova dhe Metohija’ reflekton ambicie hegjemoniste të Serbisë dhe lidhet me retorikën e periudhës së Sllobodan Millosheviqit”./TheGeopost
Kongresisti Wilson: Serbia të ndalë kërcënimet ndaj Kosovës dhe të shkëputet nga Moska 
Nga nëntori, rusët, kinezët dhe turqit do të kenë nevojë për viza për të hyrë në Mal të Zi 
FAZ rikthen të kaluarën e Vuçiqit: Nga Varrezat Hebraike të Sarajevës te retorika e “Serbisë së Madhe” 
Nëna e njërit prej të rinjve të vrarë në “Panda” paralajmëron padi: Vuçiq e di të vërtetën, shteti serb i vrau fëmijët tanë 
Si i rekruton Rusia të huajt për luftën në Ukrainë: Nga ofertat joshëse deri te mashtrimi 
Lufta paralizon jugun e Iranit: Errësirë, mungesë karburantesh dhe varka të shkatërruara