Serbia dhe Rusia Planifikojnë festimet për 80-vjetorin e çlirimit të Beogradit

Presidenti i Serbisë, Aleksandar Vuçiq, ka bërë të ditur se së bashku me Rusinë do të organizojnë festën e 80-vjetorit të çlirimit të Beogradit nga pushtimi gjerman.

Këtë e bëri të ditur Vuçiq në faqen e tij pas takimit me ambasadorin rus, Alexander Botsan-Kharchenko.

Vuçiq vuri në dukje se ka pasur një takim “shumë të mirë” me ambasadorin.

“Ne ramë dakord që së bashku të festojmë 80 vjetorin e fitores mbi fashizmin dhe çlirimin e Beogradit,” tha presidenti serb.

Vuçiq tregoi se me ambasadorin rus ka folur për çështje thelbësore të Serbisë dhe tha se ka falënderuar atë për mbështetjen e Rusisë që i jep Serbisë në arenën ndërkombëtare.
“Biseduam për tema me interes të përbashkët, veçanërisht në fusha të tilla si tregtia, kultura dhe siguria rajonale. Përsërita mirënjohjen time për Federatën Ruse për mbështetjen e saj diplomatike ndaj Serbisë në arenën ndërkombëtare për çështje që janë me rëndësi thelbësore për vendin tonë”, ka thënë ai.

Vuçiq tregoi që po vazhdon të mbështetet te Rusia në politikën e jashtme pavarësisht që kritikat e Perëndimit konsistojnë në këtë çështje. Serbia refuzon t’i vendosë sanksione Rusisë për shkak të këtyre lidhjeve dhe pavarësisht që zyrtarisht është kandidate për Bashkimin Evropian.

Ndërkohë që Vuçiq do të festojë çlirimin e Beogradit nga pushtimi gjerman me Rusinë, disa ditë më parë në Beograd qëndroi kancelari i Gjermanisë, Olaf Scholz për të dakorduarmarrëveshjen për litiumin, të cilën Serbia e konsideroi të favorshme për të.
Ndërkaq, marrëdhëniet e vështira ndërmjet Ukrainës dhe Serbisë karakterizohen nga fakti se Beogradi është një aleat tradicional i Rusisë në Ballkan./TheGeopost/