Mbi 20 vende do të marrin pjesë në turne sportive të organizuara në margjinat e Forumit Ekonomik Lindor 2023 (EEF) në Rusi muajin e ardhshëm, tha Fondacioni Roscongress në një deklaratë të premten.
Në këtë ngjarje të bojkotuar nga bota perëndimore sigurisht që nuk mungojnë Serbia e Aleksandar Vuçiqit dhe Hungaria e Viktor Orbanit.
Sipas deklaratës, “në garë do të marrin pjesë atletë nga 20 vende nga katër pjesë të botës, duke përfshirë Kinën, Brazilin, Serbinë, Hungarinë, Sllovakinë, Egjiptin dhe të tjerë”.
Anton Kobyakov, një ndihmës i presidentit rus dhe CEO i Komitetit Organizativ të EEF, citohet të ketë thënë nga deklarata: “Lojërat Sportive EEF po zhvillohen si një platformë për bashkëpunim
ndërkombëtar”.
Forumi Ekonomik Lindor do të mbahet në Vladivostok më 10-13 shtator. Vitin e kaluar, EEF u ndoq nga mbi 7000 pjesëmarrës nga 68 vende dhe territore. Delegacionet më të mëdha të huaja erdhën nga Kina, Mianmari, Mongolia, India, Armenia dhe Republika e Koresë.
Serbia ka refuzuar vendosjen e sanksioneve ndaj Rusisë për shkak të aleancës tradicionale që me Rusinë.
Nga vendet e rajonit, Kosova, Mali i Zi, Shqipëria, Maqedonia e Veriut dhe Kroacia kanë dënuar sulmin rus ndaj Ukrainës. Kosova i është bashkuar Shteteve të Bashkuara dhe Bashkimit Evropian, duke vendosur sanksione ndaj Rusisë.
Ndërkaq, Serbia dhe Bosnja e Hercegovina janë të vetmet që nuk e kanë dënuar agresionin rus.
Për shkak të agresionit të nisur ndaj Ukrainës, Rusia u përjashtua për Lojërat Olimpike të Parisit 2024.
Pavarësisht lëvizjes së protokollit, disa atletë rusë dhe bjellorusë mund të konkurrojnë ende në Paris, pavarësisht përfshirjes së vendeve të tyre në luftën ndaj Ukrainës.
Po ashtu edhe shumë forume politike apo ekonomike janë bojkotuar nga shumë vende perëndimore në Rusi për këtë çështje.
Edhe samiti i fundit i Putinit me liderët e vendeve afrikane ishte me pak pjesëmarres, pavarësisht tentimit të tij për të forcuar lidhjet me këto vende./The Geopost/
“Radar” publikon dokumentet ekskluzive të mbikëqyrjes sekrete të kritikëve të Vuçiqit nga BIA 
Vuçiq fali 49 persona para largimit nga presidenca, në listë ish-zyrtarë dhe persona të përfshirë në incidente 
“Mblidhnin vota për SNS-në e Vuçiqit”, avokati Niniq ngre kallëzim penal ndaj tetë zyrtarëve të BIA-s 
Zyra e Prokurorit të Krimit të Organizuar kërkon urgjentisht dokumentacion mbi faljet e dhëna nga Vuçiq 
Pas humbjes së Vuçiqit, Lista Serbe zotohet se do t’i ruajë lidhjet institucionale me Beogradin 
Lista e Studentëve nuk do të bashkëpunojë me Listën Serbe: Gashiq thotë se ajo ka qenë “kontraktor i SNS-it” në Kosovë