Televizioni shtetëror rus “Russia Today” do të hapë përfaqësinë e tij në Serbi, mëson Nova.rs. Bëhet fjalë për një stacion televiziv të ndaluar nga BE për “nxitje dhe mbështetje të agresionit rus” kundër Ukrainës.
Se hapja e atij kanali është duke u përgatitur, ka konfirmuar për Nova.rs, kryeredaktore dhe përgjegjëse e Sputnik Srbija, Ljubinka Milinçiq.
“Ta them një sekret tani apo jo?” Le ta thonë ata”, thotë redaktorja e Sputnik Serbisë.
Këshilli i BE-së vendosi që në mars të pezullojë shpërndarjen e mediave shtetërore ruse “Russia Today” dhe “Sputnik” në të gjithë BE-në. Siç raportojnë mediat, sanksionet mbulojnë të gjitha mjetet e transmetimit dhe shpërndarjes, siç janë kabllot, satelitët, IPTV, platformat, faqet e internetit dhe aplikacionet, si dhe pezullohen të gjitha licencat, autorizimet dhe marrëveshjet e shpërndarjes, tha Këshilli i BE-së.
Në Bruksel, ata vlerësuan se këto dy media janë instrumente të rëndësishme në “nxitje dhe mbështetje të agresionit rus” kundër Ukrainës dhe se ato përfaqësojnë një “kërcënim të rëndësishëm dhe të drejtpërdrejtë për rendin publik dhe sigurinë e BE-së”.
Reagimi i Bashkimit Evropian
Bashkimi Evropian pret që Serbia të përmbahet nga intensifikimi i marrëdhënieve me Rusinë, tha Komisioni Evropian për Radion Evropa e Lirë, në lidhje me njoftimet jozyrtare në mediat serbe se Russia Today planifikon të hapë një stacion televiziv në Serbi.
Serbia pritet që të respektojë vendimet e Bashkimit Evropian, ndër të cilat është kufizimi i transmetimit të televizionit shtetëror rus, Russia Today (RT), thuhet në reagimin e 15 korrikut.
“RT është pjesë e instrumenteve të propagandës dhe dezinformimit rus me të cilat Kremlini monitoron agresionin e paligjshëm kundër Ukrainës dhe vrasjet e popullit ukrainas. Në këtë kontekst, ne presim që Serbia të përmbahet nga intensifikimi i marrëdhënieve me Rusinë, si një vend që shkel masivisht Kartën e Kombeve të Bashkuara dhe të drejtën ndërkombëtare”, tha Perer Stano, zëdhënës i BE-së për çështje të sigurisë dhe politikës së jashtme.
Si pjesë e një pakete më të gjerë sanksionesh kundër Moskës për shkak të pushtimit të Ukrainës në mars të këtij viti, Brukseli pezulloi transmetimin e mediave ruse Sputnik dhe RT/Russia Today.
Që nga marsi i vitit 2012, Serbia është kandidate për anëtarësim në BE, dhe në përputhje me rrethanat, ka obligim të ndjekë vendimet e Brukselit për të përmbushur kushtet për anëtarësim.
Disa media në Serbi njoftuan më 14 korrik se RT planifikon të hapë një stacion televiziv në Serbi.
Russia Today nuk iu përgjigj pyetjes së REL-it, nëse kjo është e vërtetë./Nova.rs/REL
Raporti i CEPA-s: Rusia po zhvillon “luftë në hije” në Evropë, rritet rreziku i përshkallëzimit 
Momçilo Gajiq, udhëheqësi i grupit serb që shkaktoi trazira në Evropë me urdhër të inteligjencës ruse, strehohet në Moskë 
Kosova bashkë me vendet e tjera dënon sulmet iraniane në Ngushticën e Hormuzit 
Deputeti i Bundestagut gjerman: Ndërhyrja e NATO-s në ’99-ën ndali gjenocidin e Millosheviqit në Kosovë 
Ulja e orëve të gjuhëve të huaja në shkollat ruse si mjet militarizimi 
“Nuk e bënë shqiptarët” – Si u vra Milosh Vlashkoviqi në Mazgit nga dy ushtarë serbë, teksa grabisnin shtëpitë në vitin 1999