Autoritetet ruse kanë nisur një çështje penale kundër politikanit të opozitës ruse Ilya Yashin për gjoja përhapjen e informacionit të rremë për ushtrinë ruse, tha avokati i tij më 12 korrik.
Vadim Prokhorov tha në Facebook se kishte marrë një telefonatë nga një hetues dhe tha se shtëpia e Yashin ishte duke u kontrolluar.
Rasti është iniciuar nga Komiteti Hetimor Rus, sipas Prokhorov.
Yashin u akuzua sipas një ligji të ri që e bën krim përhapjen e informacionit të rremë rreth ushtrisë, tha Prokhorov. Ai përballet me një dënim deri në 10 vjet burg.
Një avokat tjetër, Mikhail Biryukov, citohet nga organizata mbikqyrëse OVD-Info të ketë thënë se çështja u nis gjatë transmetimit të Yashin në YouTube më 7 prill, në të cilin ai foli për vrasjen e civilëve në Bucha afër Kievit. Yashin fajësoi ushtarët rusë për kryerjen e vrasjeve dhe citoi nga një video e BBC-së e filmuar në Bucha.
Yashin aktualisht po vuan një dënim me 15 ditë burg që mori në qershor për mosbindje ndaj policisë, një akuzë që ai dhe mbështetësit e tij e mohuan. Ai do të lirohej më 13 korrik.
Yashin, 39 vjeç, është një kritik i hapur i Kremlinit dhe një nga të paktët politikanë të shquar të opozitës ende në Rusi pas një vale represioni kundër mbështetësve të liderit të burgosur të opozitës, Aleksei Navalny, dhe njerëzve që kanë folur kundër pushtimit rus të Ukrainës.
Ai është gjobitur katër herë në javët e fundit me akuzën e diskreditimit të ushtrisë ruse për kundërshtimin e tij të hapur ndaj luftës në Ukrainë.
Ai tha muajin e kaluar pas arrestimit të tij për akuzën e mosbindjes se nuk përjashtoi që ndaj tij të mund të ngrihej një çështje penale pasi të vuante dënimin e tij me burg.
Yashin tha gjithashtu se autoritetet po përpiqen ta detyrojnë atë të largohet nga Rusia, gjë që ai refuzon ta bëjë.
Navalny, i cili është i burgosur që nga janari i vitit të kaluar, shkroi javën e kaluar në Telegram se kishte frikë për fatin e Yashin.
“Tani ai është në qeli i arrestuar për 15 ditë. Por ky arrestim duket si një situatë klasike kur burgosin për një kohë të shkurtër, në mënyrë që gjatë kësaj kohe të bëjnë dokumente dhe të burgosin për një kohë të gjatë”, tha Navalny. /RFE
Raporti i CEPA-s: Rusia po zhvillon “luftë në hije” në Evropë, rritet rreziku i përshkallëzimit 
Momçilo Gajiq, udhëheqësi i grupit serb që shkaktoi trazira në Evropë me urdhër të inteligjencës ruse, strehohet në Moskë 
Kosova bashkë me vendet e tjera dënon sulmet iraniane në Ngushticën e Hormuzit 
Deputeti i Bundestagut gjerman: Ndërhyrja e NATO-s në ’99-ën ndali gjenocidin e Millosheviqit në Kosovë 
Ulja e orëve të gjuhëve të huaja në shkollat ruse si mjet militarizimi 
“Nuk e bënë shqiptarët” – Si u vra Milosh Vlashkoviqi në Mazgit nga dy ushtarë serbë, teksa grabisnin shtëpitë në vitin 1999