Rusia ka porositur 174,000 pasaporta të reja diplomatike “në mashtrimin e dyshuar për të lejuar zyrtarët e lartë të Putinit, spiunët dhe bashkëshortët e tyre të anashkalojnë sanksionet dhe të depërtojnë në Perëndim”

Rusia ka porositur dhjetëra mijëra pasaporta të reja diplomatike në një mashtrim të dyshuar për të lejuar zyrtarët dhe spiunët, si dhe dhe bashkëshortet e tyre të anashkalojnë sanksionet e vendosura nga perëndimi.

Ministria e Jashtme në Moskë ka kërkuar shtypjen e shpejtë të pothuajse 175,000 dokumenteve së udhëtimit të elitës me një kosto prej 3.3 milionë funte.

Megjithatë, ministria e kryesuar nga përkrahësi i i ashpër i luftës në Ukrainë Sergei Lavrov, nuk ka më shumë se 15,000 punonjës, nga të cilët vetëm një në tre duhet të kualifikohet për statusin diplomatik.

Një raport i medias opozitare SOTA ka thënë se sipas ligjeve ruse punonjësit e shërbimit të sigurisë FSB – pasardhësi më i madh i KGB-së së kohës sovjetike, kualifikohen për pasaporta diplomatike kur janë në misione të huaja. Po kështu edhe oficerët e FSO, një shërbim mbrojtës që ruan Vladimir Putinin dhe zyrtarë të tjerë të lartë.

Deputetët, gjyqtarët dhe prokurorët të gjithë mund të kërkojnë pasaporta prestigjioze, të cilat mund të shpejtojnë udhëtimin dhe të shmangin vizat në disa vende.

Bashkëshortët gjithashtu mund të kualifikohen, por po ashtu edhe mijëra nëpunës civilë që punojnë për burokracinë e Kremlinit të Putinit.

Urdhri i ri i Ministrisë së Jashtme vjen mes sanksioneve të paprecedentanga Perëndimi që kufizojnë opsionet e udhëtimit për shumë nga elita ruse./dailymail