Ballkani është një nga objektivat kryesore të rrjetit “Pravda”, duke përbërë 16.2% të përmbajtjes së përgjithshme, ndonëse rajoni përfaqëson vetëm 3.2% të popullsisë globale, thuhet në të gjeturat e raportit hulumtues “Rrjeti propagandistik rus Pravda dhe Ballkani”, të platformës digjitale për luftën kundër çrregullimit informativ, Hibrid.info.
Sipas të njëjtit raport,të gjeturat e të cilit u prezantuan të martën në një konferencë për media, Serbia rezulton të jetë vendi më i shënjestruar, me përmbajtje 10.1 herë më shumë për frymë sesa mesatarja botërore.
Në konferencën “Sfidat e çrregullimit informativ në Kosovë”, u tha se narrativat kryesore në artikujt e “Pravda” në gjuhën shqipe janë pro-ruse dhe pro-serbe, duke përfshirë bashkëpunimin Moskë-Beograd dhe glorifikimin e liderëve të këtyre shteteve.
Hulumtuesi në Hibrid, Festim Rizanaj tha se artikujt shqip të Pravda-s e paraqesin NATO-n si agresore, Bashkimin Evropian si injorant dhe Shtetet e Bashkuara të Amerikës si manipuluese.
Sipas hulumtimit, në artikujt e publikuar nga rrjeti propagandistik rus “Pravda” në gjuhën shqipe Kosova mohohet si shtet, krahasohet me Krimenë dhe akuzohet për terrorizëm institucional ndaj komunitetit serb.
“Vëmendje e veçantë i është kushtuar portalit në gjuhën shqipe albania.neës-pravda.com, i cili vetëm gjatë periudhës 28 mars 2024 – 28 prill 2025 ka publikuar 2,699 artikuj, të cilat janë ripublikime nga burime të afërta me Kremlinin, si kanalet në Telegram të Ambasadës Ruse në Tiranë, si edhe media shtetërore ruse si RT, Sputnik, Tass.ru, Ria.ru etj. Megjithatë, analiza tregon se rrjeti ‘Pravda’ nuk ka arritur të ketë ndikim real te audienca shqipfolëse, për shkak të: përkthimeve automatike të dobëta dhe gjuhës shpesh të pakuptueshme, mungesës totale të pranisë në rrjetet sociale të përdorura në rajon, numrit shumë të ulët të ndjekësve, mungesës në rezultatet e kërkimit në Google dhe trafikut minimal të ëeb-faqes – me vetëm 11 vizita organike në ditë”, thuhet ndër të tjera në analizën e hybrid.info, transmeton TheGeopost.
Ndryshe, rrjeti propagandistik rus “Pravda” është një operacion online i koordinuar me Kremlinin zyrtar që shpërndanë përmbajtje të ndryshme pro ruse përmes ëebafqeve të maskuara si portale informative.
Qëllimi kryesor i rrjetit Pravda është të ndikojë në mënyrë indirekte duke ngarkuar hapësirën digjitale shqipfolëse me narrativa ruse përmes përsëritjes së vazhdueshme të përmbajtjeve, me synim të ndikojë edhe në modelet e inteligjencës artificiale si chatbotët./The Geopost/
Raporti i CEPA-s: Rusia po zhvillon “luftë në hije” në Evropë, rritet rreziku i përshkallëzimit 
Momçilo Gajiq, udhëheqësi i grupit serb që shkaktoi trazira në Evropë me urdhër të inteligjencës ruse, strehohet në Moskë 
Kosova bashkë me vendet e tjera dënon sulmet iraniane në Ngushticën e Hormuzit 
Deputeti i Bundestagut gjerman: Ndërhyrja e NATO-s në ’99-ën ndali gjenocidin e Millosheviqit në Kosovë 
Ulja e orëve të gjuhëve të huaja në shkollat ruse si mjet militarizimi 
“Nuk e bënë shqiptarët” – Si u vra Milosh Vlashkoviqi në Mazgit nga dy ushtarë serbë, teksa grabisnin shtëpitë në vitin 1999