Autoritetet serbe i kanë caktuar masën e paraburgimit prej një muaji ish-zyrtarit të Njësisë Speciale Operative të Policisë së Kosovës, Arbnor Spahiu, i cili ishte ndaluar nga autoritetet serbe në pikën kufitare mes Hungarisë dhe Serbisë.
Të padrejtë dhe të motivuar politikisht e ka quajtur këtë vendim të autoriteteve në Serbi, avokati nga Kosova, Arianit Koci, derisa ka njoftuar për këtë çështje.
Koci përmes një shkrimi në Facebook ka kërkuar reagim të menjëhershëm institucional, pasi siç ka thënë ai, asnjë qytetar i vendit nuk guxon të lihet vetëm, kur persekutohet padrejtësisht.
Mediat kanë raportuar se ish-polici i Kosovës, Arbnor Spahiu është marrë në pyetje në lidhje me sulmin terrorist të paramilitarëve serbë në Banjskë të Zveçanit, në pjesën veriore të Kosovës, në shtator të vitit 2023.
Kujtojmë se regjimi serb edhe në të kaluarën ka ndal qytetarë të Kosovës në pika kufitare. Zyrtarë, policë e kryesisht ish-pjesëtarë të Ushtrisë Çlirimtare të Kosovës janë ndaluar nga xhandarmëria serbe gjatë kalimeve kufitare ose udhëtimeve të tyre tranzit nëpër territorin e Serbisë./The Geopost/
Deputeti i Bundestagut gjerman: Ndërhyrja e NATO-s në ’99-ën ndali gjenocidin e Millosheviqit në Kosovë 
Ulja e orëve të gjuhëve të huaja në shkollat ruse si mjet militarizimi 
“Nuk e bënë shqiptarët” – Si u vra Milosh Vlashkoviqi në Mazgit nga dy ushtarë serbë, teksa grabisnin shtëpitë në vitin 1999 
Rusia sulmon infrastrukturën energjetike të Ukrainës, propagandat pro-Kremlin i kthejnë vuajtjet në armë psikologjike 
Bisedimet në Abu Dhabi përfundojnë me plane për raundin tjetër – Zelensky e quan takimin ‘konstruktiv’ 
Trump thotë se gjithë të përfshirët në vjedhjen e zgjedhjeve në SHBA do të ndëshkohen – sytë sërish nga Vuçiqi