Regjimi në Serbi vazhdon manipulimet, si SNS bleu vota?

Një qytetare serbe nga Grljanit, një fshat pranë Zajeçarit, ka deklaruar se iu premtuan tre mijë dinarë për të votuar për listën e Partisë Progresive Serbe (SNS), porse të njëjtat nuk i mori.

Siç shkruan danas, qytetarëve serbë iu janë ofruar shuma të mëdha për të votuar SNS-në porse pati raste kur atyre nuk iu është dhënë asnjë dinar.

Të frustruar, votuesit serbë që raportuan për ngjarje të tilla thanë se “Policia e Serbisë nuk po vepron më në interes të qytetarëve, por në interes të autoriteteve”.

“Numri i oficerëve të policisë të punësuar në Zajeçar dhe Kosjeriç nuk shërbeu për të mbrojtur rendin dhe qetësinë publike, por për të mbrojtur aktivistët dhe banditët e Partisë Progresive Serbe. Ne ishim dëshmitarë se oficerët e policisë ishin në numër të madh në vendet ku qytetarët vunë re aktivitete të dyshimta që lidheshin me zgjedhjet”, ka thënë për danas avokati dhe ish-inspektori i policisë, Goran Stupar.

Fshehja e identitetit të oficerëve të policisë, avokati serb tha të jetë një tjetër problem.
“Kemi pasur situata në këto dy qytete ku oficerët e policisë nuk mbanin kartela me mbiemra dhe numra kartelash, megjithëse kjo praktikë ishte vendosur shumë më herët. Sipas Ligjit për Policinë, një oficer policie është i detyruar t’i mbajë gjithmonë këto kartela në uniformën e tij, si dhe të legjitimohet me kërkesë të qytetarëve që trajton, duke treguar identifikimin zyrtar, dhe kemi parë që oficerët e policisë refuzuan ta bënin këtë”, thotë avokati.
Slavica Radovanoviq, ish-kolonele në pension, ka thënë se ajo që i habiti më shumë qytetarët dhe vëzhguesit në ditën e zgjedhjeve ishte numri i madh i anëtarëve të policisë dhe xhandarmërisë në terren.

“Ne e dimë që xhandarmëria është e angazhuar ekskluzivisht në rastet kur pritet një shqetësim serioz i rendit dhe qetësisë publike, kur bëhet fjalë për tubime me rrezik të lartë ose kur vijnë diplomatë të huaj. Këtë herë, megjithatë, prania e disa njësive organizative dukej e pazakontë dhe e papërshtatshme për shkallën e vetë ngjarjes”, ka thënë Radovanoviç./The Geopost/