Provokime në Srebrenicë, shfaqen billborde mbështetëse për Vulinit pasi u sanksionua nga SHBA

Pak vende në botë ofrojnë mbështetje publike për njerëzit që janë dënuar për një vepër penale ose janë nën sanksione për veprime të caktuara. Megjithatë, kjo s’po ndodh në Bosnje e Hercegovinë.

Së fundi në vendin ku ndodhi gjenocidi nga regjimi serb u shfaqën fotografi të mbështetësit të gjenocidit, Alekandar Vulin. Në Srebrenicë u vendosën edhe billborde që mbështesin drejtorin e Agjencisë Serbe të Inteligjencës së Sigurisë (BIA) Aleksandar Vulin, i cili u sanksionua nga SHBA-të për korrupsion e lidhjet me Rusinë.

Në to shkruhet “Mbështetje për vëllanë tonë, Srebrenicën tuaj”, dhe në sfond është Vulin e në të majtë edhe flamuri serb.

Së fundmi ai u dërgoi një ofertë disa studenteve atje që të vazhdonin studimet në Beograd meqë ato lavdëruan kriminelin e luftës Ratko Mlladiq dhe lavdëruan krimet me mesazhin për boshnjakët: “Sa mirë që ju vramë”.

Vulin së fundmi ka hyrë në listën e zezë të Shteteve të Bashkuara për shkak të, siç deklaruan nga Uashingtoni, trafikut të drogës dhe armëve.

Qeveria e Serbisë, nga ana tjetër, beson se Vulin përfundoi në listën e zezë të SHBA-së për shkak se Serbia nuk vendosi sanksione ndaj Rusisë pavarësisht se SHBA-të deklaruan arsye më specifike, transmeton Klix.ba.

Vulin ka qenë një nxitës i krimeve që ndodhën në Srebrenicë ka mohuar krimet serbe publikisht. Ai ka nderuar kriminelët e dënuar të luftës, përfshirë edhe Sllobodan Millosheviq.

Vulin konsiderohet si krahu i djathtë i presidentit të Serbisë Alekandar Vuçiq, i cili kur kishte vizituar Srebrenicën në njërin prej përvjetorëve të gjenocidit ishte gjuajtur me gurë në shenjë revolte nga banorët se ai s’ishte i mirëseradhur në këtë vend.

Boegradi zyrtar asnjëherë s’ka kërkuar falje për gjenocidin serb në Serbrenicë më 1995./The Geopost/