Ministria e Mbrojtjes e Rusisë ka konfirmuar për herë të parë se rekrutët janë në mesin e personelit ushtarak të përfshirë në pushtimin e vazhdueshëm të Rusisë në Ukrainë.
Zëdhënësi i ministrisë Igor Konashenkov tha më 9 mars se “disa nga rekrutët” ishin kapur nga forcat e armatosura ukrainase, duke shtuar se “pothuajse të gjithë rekrutët” ishin tërhequr nga territori ukrainas.
Zyrtarët e lartë rusë, përfshirë presidentin Vladimir Putin, kanë këmbëngulur se nuk ka rekrutë të përfshirë në pushtim, duke theksuar se vetëm ushtarët që shërbejnë me kontratë po luftojnë në Ukrainë.
Por Ukraina ka vendosur video të shumta të ushtarëve rusë të kapur, shumë prej të cilëve ishin rekrut nga mosha 18 deri në 20 vjeç, në internet. Shumë nëna ruse kanë hyrë në rrjetet sociale për të zbuluar se ku janë djemtë e tyre, ndërsa grupet e të drejtave thonë se janë mbushur me thirrje nga anëtarët e familjeve të ushtarëve që kërkojnë informacion.
Zëdhënësi i Kremlinit Dmitry Peskov tha më 9 mars se Putini urdhëroi Zyrën e Prokurorit Ushtarak të hetojë se si ishin paraqitur rekrutët në Ukrainë dhe të ndëshkojë zyrtarët që lejuan praninë e tyre atje./REL/
Momçilo Gajiq, udhëheqësi i grupit serb që shkaktoi trazira në Evropë me urdhër të inteligjencës ruse, strehohet në Moskë 
Kosova bashkë me vendet e tjera dënon sulmet iraniane në Ngushticën e Hormuzit 
Deputeti i Bundestagut gjerman: Ndërhyrja e NATO-s në ’99-ën ndali gjenocidin e Millosheviqit në Kosovë 
Ulja e orëve të gjuhëve të huaja në shkollat ruse si mjet militarizimi 
“Nuk e bënë shqiptarët” – Si u vra Milosh Vlashkoviqi në Mazgit nga dy ushtarë serbë, teksa grabisnin shtëpitë në vitin 1999 
Rusia sulmon infrastrukturën energjetike të Ukrainës, propagandat pro-Kremlin i kthejnë vuajtjet në armë psikologjike