Një gjykatë në ish-republikën sovjetike të Lituanisë, ka burgosur dy qytetarë, nën akuzën se kanë spiunuar për Rusinë.
Një gjykatë në qytetin Klaipeda, ka dënuar Aleksejus Greicius me katër vjet burgim dhe Mindaugas Tunikaitis me 18 muaj burgim, pasi i ka gjetur fajtorë për mbledhje të të dhënave për Shërbimin Federal të Sigurisë së Rusisë (FSB).
Greicius, figurë publike dhe drejtor në Asociacionin baltik të të rinjve, i cili njihet për qasjet pro-ruse, e ka konsideruar veten të pafajshëm, derisa Tunikaitis e ka pranuar fajin.
Gjyqi është mbajtur me dyer të mbyllura për shkak të shqetësimeve për siguri kombëtare.
Hetuesit kanë thënë se dy të pandehurit nuk e kanë njohur njëri-tjetrin, mirëpo kanë qenë në kontakt me agjentin e njëjtë të FSB-së në vitet e fundit.
Prej vitit 2014, kur Rusia ka aneksuar Gadishullin ukrainas të Krimesë, dhe ka nisur të mbështesë separatistët në konfliktin në lindje të Ukrainës, gjykatat në Lituani kanë dënuar disa persona për spiunim te Rusia, apo aleatja e saj e ngushtë, Bjellorusia.
Clickbait në titullin e RT Balkan: Shkrimi i grafiteve paraqitet si “maltretim”, ndonëse nuk ka hetim për autorin 
Mojsilloviq dezinformon për marrëveshjen mes Kosovës, Kroacisë dhe Shqipërisë 
Raporti i CEPA-s: Rusia po zhvillon “luftë në hije” në Evropë, rritet rreziku i përshkallëzimit 
Portal Novosti shpërndan propagandë: Marrëveshja mediatike shpallet “pakt kundër serbëve” 
Mediumi serb manipulon për ushtarët amerikanë të KFOR-it: Nga interesi për ortodoksinë në pranim të fesë 
Momçilo Gajiq, udhëheqësi i grupit serb që shkaktoi trazira në Evropë me urdhër të inteligjencës ruse, strehohet në Moskë