Dy anëtarë të Kongresit Amerikan prezantuan një rezolutë për t’i dhënë fund njohjes nga Shtetet e Bashkuara të Vladimir Putinit si president i Rusisë nëse ai mbetet në pushtet pas vitit 2024.
Në prill, Putin nënshkroi një ligj që i jep kreut të shtetit rus të drejtën për të kërkuar dy mandate të tjera në detyrë. Në një referendum të mbajtur verën e kaluar, më shumë se 77 për qind e rusëve që morën pjesë, votuan në favor të ndryshimeve kushtetuese, sipas Komisionit Qendror të Zgjedhjeve të Rusisë.
“Kongresmeni Stiv Kohen (Steve Cohen), Bashkëkryetar i Komisionit për Sigurinë dhe Bashkëpunimin në Evropë, i njohur më mirë si Komisioni i Helsinkit, së bashku me kongresmenin Gjo Uilson (Joe Wilson) nga Karolina e Jugut, prezantuan një rezolutë të Kongresit për t’i dhënë fund njohjes së Vlladimir Putinit si president i Rusisë pas 7 majit 2024, nëse autokrati mbetet në pushtet”, tha zyra e Kohen në një deklaratë për shtyp të enjten.
Rezoluta pretendon se parregullsitë në zgjedhjet ruse e kanë mbajtur Putinin në pushtet dhe vazhdimi i tij në detyrë përtej vitit 2024 do të ishte i paligjshëm, sipas njoftimit.
Ndryshimet parashikojnë një limit prej dy mandatesh gjashtëvjeçare radhazi për Presidentin e Federatës Ruse. Dispozita zbatohet për presidentin në kohën kur ndryshimet ligjore hyjnë në fuqi, duke mos marrë parasysh numrin e mandateve të kryera më parë në këtë pozicion, duke i hapur kështu rrugën Putinit për të kandiduar sërish pas përfundimit të mandatit aktual në vitin 2024.
Kongresisti Wilson: Serbia të ndalë kërcënimet ndaj Kosovës dhe të shkëputet nga Moska 
Nga nëntori, rusët, kinezët dhe turqit do të kenë nevojë për viza për të hyrë në Mal të Zi 
FAZ rikthen të kaluarën e Vuçiqit: Nga Varrezat Hebraike të Sarajevës te retorika e “Serbisë së Madhe” 
Nëna e njërit prej të rinjve të vrarë në “Panda” paralajmëron padi: Vuçiq e di të vërtetën, shteti serb i vrau fëmijët tanë 
Si i rekruton Rusia të huajt për luftën në Ukrainë: Nga ofertat joshëse deri te mashtrimi 
Lufta paralizon jugun e Iranit: Errësirë, mungesë karburantesh dhe varka të shkatërruara