Ambasadori amerikan, Jeff Hovenier deklaroi sot se populli i Kosovës nuk duhet të ndihet i shqetësuar nga deklaratat e presidentit të Serbisë, Aleksandër Vuçiq, pasi siç tha ai duke iu referuar NATO-s, Aleanca më e suksesshme ushtarake në histori është në Kosovë.
Hovenier këto komente i bëri pas pas takimit që pati me zëvendëskryeministrin Besnik Bislimi, derisa shtoi se NATO është gati dhe e përgatitur.
Ai theksoi se SHBA ka qëndruar fuqishëm për paqen e njerëzve në Kosovës.
“Mund të them që jemi të përkushtuar për sigurinë e Kosovës. Ne nuk e humbim gjumin natën duke u shqetësuar për atë kërcënim sepse ne besojmë që NATO është e gatshme dhe e përgatitur. Dhe nuk mendoj që as njerëzit e Kosovës duhet të mbesim pa gjumë sepse aleanca ushtarake më e suksesshme në histori ka një prezencë të fuqishme dhe është e gatshme të bëjë të nevojshmen”, tha Hovenier.
Kujtojmë se Vçiq ka kërcënuat Perëndimin duke thënë se “duhet të zgjedh mes Kosovës dhe Serbisë, dhe në rast se e zgjedh Kosovën, Serbia do të presë momentin më të mirë të mundshëm dhe ne do ta shfrytëzojmë mundësinë tonë.”/TheGeopost
Serbia dhe Uzbekistani paralajmërojnë bashkëpunim për raketa, analisti ngre pikëpyetje për interesat ruse 
Von der Leyen pas varrimit të Mlladiqit: Vendet që lavdërojnë kriminelët e luftës nuk kanë vend në BE 
Sikorsky: Pasuria e ngrirë ruse nuk do t’i kthehet Moskës 
Parti e re proruse në Serbi, kërkon braktisjen e BE-së dhe forcimin e ndikimit të Moskës 
Uashingtoni ashpërson mesazhet ndaj Serbisë, Kongresi e paralajmëron për Rusinë, Kinën dhe glorifikimin e Mlladiqit 
Brukseli ashpërson tonin ndaj Beogradit: Parlamenti Evropian kërkon ndryshim të qasjes ndaj Vuçiqit