Presidenti i Republikës Srpska, Milorad Dodik, ka vazhduar retorikën e ashpër dhe provokuese, duke e thelluar krizën institucionale në Bosnjë dhe Hercegovinë dhe duke shkelur rregullat bazë të komunikimit politik. Në një deklaratë të fundit, Dodik e quajti Përfaqësuesin e Lartë Christian Schmidt një “kopil”, duke sulmuar jo vetëm një zyrtar ndërkombëtar, por edhe vetë rendin kushtetues të shtetit.
“Nuk ia vlen me horra. 24,000 euro në muaj plus dieta. Asnjë zyrtar në BE nuk i ka këto. Sot ai duket i paprekshëm, por ne nuk do të ndalemi së ndjekuri ligjërisht kudo që të shkojë. Pse i intereson të qëndrojë? Sigurisht, për shkak të parave që ka marrë”, tha Dodik, transmeton The Geopost.
Ai ka paralajmëruar se do ta ndjekë Schmidtin “ligjërisht kudo që të shkojë”, ndërkohë që vetë është nën hetim për shpërdorim të detyrës dhe cenim të rendit kushtetues të Bosnjës dhe Hercegovinës.
Sfidimi i vendimeve të Përfaqësuesit të Lartë dhe mohimi i autoritetit të Gjykatës Kushtetuese të BeH janë pjesë e një strategjie të rrezikshme që Dodik po ndjek për të çuar vendin drejt ndarjes dhe izolimit ndërkombëtar. Ndërsa ai përdor fjalor vulgar dhe nacionalist për të ruajtur pushtetin e tij, Republika Srpska rrezikon të shndërrohet në një entitet të braktisur ekonomikisht dhe politikisht./The Geopost/
Mijëra njerëz u nisën në një Marsh Paqeje tre-ditor në kujtim të viktimave të gjenocidit të Srebrenicës 
Eurodeputetët me kritka të ashpra ndaj Serbisë: Nuk ka vend në BE për regjimin autokratik të Vuçiqit 
Dokumentari që trazon narrativat serbe për luftërat e viteve ’90: Këtë serbët nuk duan ta dëgjojnë, as për Kosovën 
Avokati i Popullit në Serbi kërkon hetim ndaj përgjegjësve për posterët kundër shqiptarëve në Krushevc 
Mos e bllokoni rrugën e Ukrainës drejt pranimit në BE, Zelensky u kërkon Hungarisë dhe Polonisë 
Serbia forcon lidhjet ushtarake me Kinën, pavarësisht trysnisë nga Perëndimi