Nënkryetarja e Zveçanit Natasa Tomanic ka raportuar se është djegur qëllimisht lokali i saj nga disa persona. Ajo fillimisht rastin e ka raportuar në Policinë e Kosovës. Derisa ka thënë se prapa këtij akti qëndron Lista Serbe, meqë aktivitetet e saj nuk përshtaten me të.
“Ankuesja femër kosovare ka informuar se persona të panjohur i kanë vënë zjarrin butikut të saj, zjarrfikësit kanë shuar zjarrin. Lidhur me rastin ankuesja dyshon se zjarri i është vënë qëllimshëm nga persona të dyshuar. Sipas ankueses, vlera e dëmit është e lartë. Rasti është duke u hetuar”, shkruan në raportin 24-orësh të policisë”, ka njoftuar Policia e Kosovës sot në raportin 24 orësh, shkruan The Geopost.
Më pas, Tomanic i tha Radios Evropa e Lirë se zjarrvënia nuk ishte “e rastësishme”, duke shtuar se dyshon se motivi është se ajo ka ndihmuar serbët në veri të Kosovës të punësohen në institucionet e Kosovës.
Ajo theksoi se aktivitetet e saj “nuk përshtaten” me Listën Serbe, partisë më të madhe të serbëve në Kosovë që gëzon mbështetjen e Beogradit.
“Atëherë kam një pyetje për ta. Pse po luftojnë që të kthehen në institucionet e Kosovës, nëse ne që kemi hyrë në institucionet e Kosovës jemi tradhtarë?”, tha ajo.
Tomanic tha po ashtu se dëmi i shkaktuar nga zjarri kap vlerën e disa mijëra eurove.
Edhe Veton Elshani, zëvendësdrejtor i policisë për rajonin e veriut, tha për mediat se zjarri dyshohet se është shkaktuar qëllimisht dhe njoftoi se rasti po vazhdon të hetohet.
Ndaj kësaj ka reaguar edhe kryeministri i Kosovës, Albin Kurti, që fajin ia la strukturave kriminale në veri të vendit.
“Pikërisht me 8 Mars, elemente kriminale në Zveçan zgjodhën e rizgjodhën dhunën, terrorin dhe sulmin, kësaj radhe ndaj pronës private, dyqanit të nënkryetares së Komunës së Zveçanit, znj. Natasha Tomaniq. Ky duket të jetë “urimi” i tyre për 8 Mars për nënkryetaren Tomaniq dhe për të gjithë serbët që duan integrimin në Kosovë, çlirimin nga struktura kriminale që kërcënojnë dhe pavarësimin nga Beogradi zyrtar që i shantazhon. Dita Ndërkombëtare e Grave shënohet me mirënjohje, përkujdesje, dashuri e angazhim të përbashkët për barazi. Jo me dhunë e terror. Përgjigjja ndaj akteve të tilla dhe personave përgjegjës është sundimi i ligjit dhe shteti i së drejtës”, ka shkruar Kurti në Facebook.
Ai ka kërkuar reagim edhe nga shtetet e QUINT-it dhe shefi i BE-së në Kosovë.
“Kurse ndaj serbëve të Kosovës që vazhdojnë të përballen me dhunën fizike e psikologjike dhe kërcënimet e vazhdueshme, është mbështetja e inkurajimi për të plotësuar deri në fund vullnetin e tyre. Shpresojmë që edhe ambasadorët e Quintit dhe shefi i Zyres së BE-së, z. Tomas Szunyog, do ta dënojnë ashpër këtë akt kriminal, terrorist e qyqar”, u shpreh Kurti.
Ndërsa, zëvendësministri i Administrimit dhe Pushtetit Lokal, Arbër Vokrri, tha se këtë e kanë bërë banditët, sipas tij, në përpjekje për t’i frikësuar serbët e çliruar nga Lista Serbe.
“Terroristët dhe banditët ndihen të trimëruar sa herë që ndërkombëtarët i kërkojnë Republikës së Kosovës të heqë dorë nga sovraniteti dhe zbatimi i ligjit”, shkroi ai në Facebook./TheGeopost/
Mijëra njerëz u nisën në një Marsh Paqeje tre-ditor në kujtim të viktimave të gjenocidit të Srebrenicës 
Eurodeputetët me kritka të ashpra ndaj Serbisë: Nuk ka vend në BE për regjimin autokratik të Vuçiqit 
Dokumentari që trazon narrativat serbe për luftërat e viteve ’90: Këtë serbët nuk duan ta dëgjojnë, as për Kosovën 
Avokati i Popullit në Serbi kërkon hetim ndaj përgjegjësve për posterët kundër shqiptarëve në Krushevc 
Mos e bllokoni rrugën e Ukrainës drejt pranimit në BE, Zelensky u kërkon Hungarisë dhe Polonisë 
Serbia forcon lidhjet ushtarake me Kinën, pavarësisht trysnisë nga Perëndimi