Dimiq kritikon pushtetin në Serbi: S’është serbe të heshtësh ndaj agresionit, njëjtë mund të ndodhë edhe ne Kosovë

Gazetari serb, Radomir Dimiq ka thënë se nuk është serbe të heshtësh në dyvjetorin e luftës pushtuese të Rusisë në Ukrainë, marrë parasysh se Serbia zyrtare nuk ka bërë asnjë reagim lidhur me agresionin rus në përvjetorin e luftës. Ka apeluar për kujdes, pasi konsideron se një agresion i ngjashëm mund të ndodhë edhe në Kosovë.

Dimiq përmes një shkrimi ka thënë se Ukraina ka nevojë për mbështetje më të mirë dhe më të gjerë sot, derisa ka theksuar se sanksionet e reja ndaj Rusisë nuk mjaftojnë kundër regjimit të presidentit rus, Vladimir Putin.

“Nuk është serbe të heshtësh në dyvjetorin e luftës së agresionit në Ukrainë, nuk është për shkak të masakrave në mes të Evropës, e shkaktimi nga lufta e tmerrshme vdekjeprurëse, që si një vrimë e zezë gëlltit jetë njerëzish, mbi 10,000 civilë, burra, gra dhe fëmijë kanë të vdekur deri tani, e sa e sa njerëz janë larguar nga shtëpitë e tyre… Në ditën e fillimit të agresionit rus ndaj Ukrainës, duhet solidariteti evropian, njerëzor”, ka shkruar ai mes tjerash.

Ai ka vënë në pah edhe rrezikun që i kanoset Ballkanit nga ndikimi rus.

“Gjithashtu ekziston rreziku nga ndikimi rus që po rritet në Ballkan dhe ka një mundësi të madhe që mund të përdoret modeli si në Ukrainë, në rajonin tonë, në Kosovë. Dhe, duhet të tregojmë kujdes të veçantë për të”, ka shkruar ai.

Kujtojmë se Serbia nuk i ka vënë sanksione Rusisë për agresionin ushtarak në Ukrainë, përkundrazi, dy vendet vetëm sa kanë zgjeruar bashkëpunimin mes tyre.

/The Geopost