Një gjykatë në Talin ka dënuar një burrë me shtetësi të dyfishtë ruso-estone për mbledhjen e fondeve dhe blerjen e dronëve për forcat e armatosura ruse që pushtuan Ukrainën.
Gjykata e qarkut Harju më 21 korrik dënoi 43-vjeçarin Vladimir Shilov me katër muaj burg, me tetë muaj të tjerë të pezullimit nga puna dhe një periudhë prove katërvjeçare pasi e shpalli fajtor për mbështetje të agresionit të një vendi të huaj.
Gjykata shpalli gjithashtu dy të pandehurit e Shilovit, Ilya dhe Ruslan Golembovsky, fajtorë për financimin e blerjes së dronëve dhe i dha secilit prej tyre një dënim prej pesë muajsh burgim dhe një periudhë prove prej 20 muajsh, raporton REL.
Autoritetet estoneze arrestuan Shilovin më 28 maj kur ai po kalonte kufirin estonezo-rus me tre drone që kishte blerë në Estoni për forcat e armatosura ruse në Ukrainë.
Pasi Rusia nisi pushtimin e saj të vazhdueshëm të paprovokuar të Ukrainës më 24 shkurt, Shilov mbështeti hapur presidentin rus, Vladimir Putin dhe filloi një fushatë për mbledhjen e fondeve në internet për të blerë dronë për trupat ruse, duke e quajtur atë “një akt të mbështetjes së trupave tona”.
Ukraina dhe shumë vende të Bashkimit Evropian e kanë kriminalizuar mbështetjen e agresionit rus kundër Ukrainës që nga fillimi i luftës më 24 shkurt. /Telegrafi/
Kongresisti Wilson: Serbia të ndalë kërcënimet ndaj Kosovës dhe të shkëputet nga Moska 
Nga nëntori, rusët, kinezët dhe turqit do të kenë nevojë për viza për të hyrë në Mal të Zi 
FAZ rikthen të kaluarën e Vuçiqit: Nga Varrezat Hebraike të Sarajevës te retorika e “Serbisë së Madhe” 
Nëna e njërit prej të rinjve të vrarë në “Panda” paralajmëron padi: Vuçiq e di të vërtetën, shteti serb i vrau fëmijët tanë 
Si i rekruton Rusia të huajt për luftën në Ukrainë: Nga ofertat joshëse deri te mashtrimi 
Lufta paralizon jugun e Iranit: Errësirë, mungesë karburantesh dhe varka të shkatërruara