Një bisedë tjetër mes ministrit të Jashtëm rus, Sergey Lavrov, dhe homologut hungarez, Peter Szijjarto, është zbuluar kohët e fundit.
Më 2 korrik 2024, gjatë kësaj bisede ata diskutuan çështjen e anëtarësimit të Ukrainës në Bashkimi Evropian.
Dokumentet e zbuluara tregojnë se Hungaria po rridhte informacione të brendshme të BE-së drejt Kremlinit, përfshirë edhe formulime specifike që lidhen me statusin dhe të drejtat e minoriteteve kombëtare në Ukrainë.
Sipas materialeve të zbuluara, Szijjarto duket se po ndihmonte në praktikë Rusinë që të gjente një pretekst për të penguar negociatat e pranimit të Ukrainës.
Ai përdorte si justifikim pretendimet për “diskriminim ndaj minoriteteve kombëtare në Ukrainë,” duke shfrytëzuar këtë çështje si mjet politik për të bllokuar procesin e integrimit të Ukrainës në Bashkimin Evropian.
Ky zbulim tregon një nivel të lartë koordinimi mes disa zyrtarëve, ku informacionet e brendshme të BE-së shfrytëzoheshin për interesa gjeopolitike, duke përfshirë edhe ndërhyrjen e drejtpërdrejtë të Rusisë në çështjet e brendshme të unionit dhe të shteteve kandidate.
Reagimi i Bashkimit Evropian
Presidentja e Komisionit Evropian, Ursula von der Leyen, planifikon të ngrejë në nivelin më të lartë të udhëheqjes së Bashkimit Evropian çështjen e praktikës së dyshuar të Hungarisë për rrjedhjen e informacionit te Rusia, pas zbulimeve të reja, njoftoi zëdhënësi i saj.
Zëdhënësi theksoi se akuzat “nxjerrin në pah mundësinë alarmante të një qeverie të shtetit anëtar që koordinohet me Rusinë, duke punuar kështu aktivisht kundër sigurisë dhe interesave të BE-së dhe qytetarëve të saj”.
Ai shtoi se kjo është “jashtëzakonisht shqetësuese” dhe kërkon shpjegime urgjente nga qeveria hungareze.
Ngjarja ndodh ndërsa Hungaria përgatitet për zgjedhjet e 12 prillit, ku kryeministri në detyrë, Viktor Orbán, është dyfish prapa në sondazhet e opinionit, duke bërë situatën edhe më të ndjeshme politikisht.
The Geopost
🚨 What a scandal! Another conversation between Lavrov and Szijjártó has been leaked
On July 2, 2024, they discussed Ukraine’s accession to the EU.
Hungary was leaking EU documents to the Kremlin — including wording on national minorities.
Szijjártó was effectively helping… https://t.co/q9KOawelPI pic.twitter.com/teAxRDkTRE
— NEXTA (@nexta_tv) April 9, 2026
Sulmohet fizikisht shkrimtari Vladimir Arsenijeviq për përkujtimin e gjenocidit të Srebrenicës 
Mbështetësit e Orbanit protestojnë kundër shkarkimit të presidentit Tomas Sulyok 
Rritet numri i ushtarëve rusë nën 25 vjeç që po vdesin në luftën kundër Ukrainës 
Trump: Jemi pajtuar për bisedime të mëtejshme me Iranin, por armëpushimi ka marrë fund 
Nga dronët te satelitët, NATO zbulon strategjinë e re të mbrojtjes me investime miliardëshe 
Raporti i OSBE-së: Rusët indoktrinojnë dhe militarizojnë sistematikisht fëmijët ukrainas