Presidenti amerikan Donald Trump deklaroi se Shtetet e Bashkuara do ta fitojnë luftën me Iranin “shumë shpejt”, ndërsa zbuloi se zyrtarët amerikanë kanë zhvilluar bisedime me ndërmjetës që po përpiqen t’i japin fund konfliktit.
Duke folur të hënën në Zyrën Ovale, Trump tha se administrata amerikane ka komunikuar me ndërmjetës në përpjekje për të gjetur një rrugëdalje nga lufta, transmeton Telegrafi.
“Ne do ta fitojmë. Për sa më përket mua, do të ndodhë në një mënyrë ose në një tjetër. Do të përfundojë mjaft shpejt”, tha Trump.
Presidenti amerikan nuk dha detaje të tjera mbi identitetin e ndërmjetësve apo përmbajtjen e kontakteve diplomatike.
Trump foli gjithashtu për çmimet e karburanteve, duke parashikuar se ato do të bien ndjeshëm pasi SHBA-ja të fitojë luftën, transmeton Telegrafi.
“Çmimet e benzinës do të bien shumë pas fitores sonë”, deklaroi ai.
Komentet e Trumpit vijnë ndërsa përpjekjet diplomatike për t’i dhënë fund konfliktit vazhdojnë paralelisht me operacionet ushtarake amerikane kundër Iranit.
The GeoPost
Danimarka kërkon prani afatgjatë të NATO-s në Grenlandë pas marrëveshjes me Trumpin 
Policia britanike heton një lidhje të mundshme me Iranin pas gjetjes së eksplozivëve pranë RAF Fairford 
Zviceranët refuzojnë neutralitetin më të rreptë – ruhet bashkëpunimi me NATO-n 
Shefi i Departamentit të Thesarit të SHBA-së raporton suksese në izolimin e Iranit 
Oligarku ukrainas në arrati merr shtetësinë e Serbisë 
Polonia i ofron stimuj financiarë SHBA-së, teksa përparojnë bisedimet për bazën ushtarake