Njësitë e Forcave të Operacioneve Speciale të Ukrainës (SOF) kanë goditur për herë të tretë rafinerinë e naftës në Omsk të Rusisë, më 11 nëntor, me dronë që përshkuan afro 3.000 kilometra deri te objektivi.
Rafineria e Omskut është më e madhja në Rusi dhe është pjesë e kompanisë Gazprom Neft. Ajo përpunon më shumë se 21 milionë tonë naftë në vit, duke prodhuar benzinë, naftë dizel, karburant për aviacionin dhe produkte petrokimike.
Objekti ndodhet rreth 2.500 kilometra larg kufirit ukrainas dhe konsiderohet rafineria më e largët në territorin rus që është goditur nga dronët ukrainas, transmeton Telegrafi.
Sulmi i parë ndaj kësaj rafinerie u krye më 6 korrik. Pas goditjes, objekti ndërpreu plotësisht përpunimin e naftës dhe u nxor jashtë funksionit për t’iu nënshtruar riparimeve.
Rafineria u godit për herë të dytë më 8 tetor, ndërsa sulmi i 11 nëntorit shënon goditjen e tretë ndaj të njëjtit objekt.
Forcat e Operacioneve Speciale të Ukrainës deklaruan se do të vazhdojnë të godasin objektivat ruse, pavarësisht distancës së tyre.
“SOF do t’ia kthejë Rusisë luftën që ajo e nisi, pavarësisht se sa larg përpiqet armiku t’i fshehë objektet e tij”, thuhet në deklaratën e tyre.
Rutte: Turqia ka një nga ushtritë më të mëdha në Evropë, është aleate kyçe e NATO-s 
Përpjekjet e SHBA-së për paqe në Ukrainë – çfarë ka ndodhur dhe cilat janë zhvillimet e reja diplomatike? 
Milan Radoiçiqi është larguar nga Serbia, ka shkuar në Rusi – thotë ish-inspektori i BIA-s 
Shefi i NATO-s: Rusët humbasin më shumë ushtarë në muaj sesa humbi SHBA-ja në të gjithë Luftën e Vietnamit 
Hungaria pritet të marrë pothuajse 10 miliardë euro të bllokuara nga BE gjatë viteve të Viktor Orbanit në pushtet 
Kush është Zvonko Veselinoviq, biznesmeni i sanksionuar nga SHBA-ja që u strehua në Turqi: Nga barrikadat në veri te milionat nën udhëheqjen e Vuçiqit