Kryetari i Bordit Mbikëqyrës të Srbijagas, Aleksandar Vulin, ka vazhduar me deklarata që reflektojnë një linjë të ashpër kundër Perëndimit dhe NATO, duke forcuar njëkohësisht retorikën pro-ruse në diskursin publik në Serbi.
Në një takim me ambasadorin rus Aleksandar Bocan-Kharchenko, Vulin kritikoi ashpër përpjekjet për të krahasuar ndërhyrjen e NATO-s në Serbi me luftën e Rusisë në Ukrainë, duke i cilësuar ato si “krahasime të rreme” që, sipas tij, synojnë të dëmtojnë marrëdhëniet mes Beogradit dhe Moskës.
Ai theksoi se narrativa të tilla, qofshin nga aktorë ndërkombëtarë apo nga brenda Serbisë, përbëjnë një përpjekje për të minuar qëndrimin e neutralitetit të vendit dhe për të dobësuar lidhjet tradicionale me Rusinë.
“Politika e Presidentit Aleksandar Vuçiq është një politikë e respektit të ndërsjellë midis Serbisë dhe Rusisë, dhe i mundëson Serbisë të zhvillohet dhe të bëhet më e sigurt në sigurinë e saj energjetike. Korrektësia e një politike të tillë tregohet nga zgjatja e marrëveshjes së gazit dhe fakti që, pavarësisht kërkesës së madhe në bursat botërore, Serbia merr gaz në sasitë që ka përcaktuar dhe me një çmim që është disa herë më i ulët se ai që paguajnë të gjitha vendet e tjera në Evropë“, tha Vulin.
Deklaratat e tij vijnë në një kohë kur zyrtarët serbë, përfshirë presidentin Aleksandar Vuçiq, përpiqen të balancojnë marrëdhëniet midis Perëndimit dhe Rusisë, ndërsa presioni ndërkombëtar ndaj Beogradit për t’u rreshtuar me politikat e Bashkimi Evropian është në rritje.
Në të njëjtën kohë, Vulin ka vlerësuar vazhdimisht bashkëpunimin me Moskën, duke e paraqitur Rusinë si një partner kyç dhe të besueshëm për Serbinë, veçanërisht në sektorin e energjisë.
Qëndrimet e tij konsiderohen nga analistët si pjesë e një narrative më të gjerë politike që synon të ruajë ndikimin rus në Serbi dhe të sfidojë orientimin euroatlantik të vendit.
Vulin në fund të vitit 2025 ishte emëruar president i Shoqërisë Historike Ruse në Beograd: Të gjithë serbët në Serbi, shteti i “botës serbe”.
Ai vazhdon të veprojë si patericë ruse në Serbi.
The Geopost
Kompanitë serbe të sanksionuara nga SHBA vazhdojnë të eksportojnë në Rusi 
Dy aleatët e ngushtë të Rusisë – Pse Vuçiq ka frikë nga humbja e Orban në zgjedhje 
Beogradi në sinkron me Moskën, vazhdon narrativën kundër realitetit të Kosovës 
Aleatët përfshirë Kosovën paralajmërojnë sanksione ndaj Iranit në rast të bllokimit të Ngushticës së Hormuzit 
Alarmi amerikan për sigurinë nxit masa të reja dhe përplasje politike në Shqipëri 
“Dhunë, kërcënime dhe parregullsi”, BE alarmohet për zgjedhjet në Serbi, kërkon hetim të menjëhershëm