Si lëvizja e re e Vuçiqit mund të jetë rruga drejt një diktature de facto

Mrdalj kujton se zgjedhjet e fundit treguan se Partia Progresive Serbe nuk ka shumicën më vete, por duhet të mbështetet te partnerët e koalicionit, të cilët, thekson ai, fitojnë një potencial të caktuar shantazhi.

Është e qartë, thekson Mrdalj, se SNS-ja është “përlyer mjaftueshëm mes njerëzve” se kjo shkakton shqetësim për Vuçiqin.

“Të gjitha këto u arsyetuan nga një pjesë e caktuar e votuesve të Vuçiqit me arsyetimin se rreth tij kishte njerëz të këqij, por ai ishte në rregull. E njëjta gjë u tha edhe për Millosheviçin, por Vuçiq qartë nuk dëshiron të përfundojë si Millosheviqi. Ai po përpiqet të ndryshojë makinën e tij partiake. Mënyra më e mirë është të ndryshojë makinën ekzistuese, t’i japë lëvizjes së tij një legjitimitet të ri”, shpjegon ai.

Megjithatë, bashkëbiseduesi i N1 paralajmëron se lëvizja e re çon në krijimin e mëtejshëm të një atmosfere diktature, pasi nëse politikani më popullor në vend e quan lëvizjen e tij shtetndërtuese, kjo mund të shihet si një mesazh që kushdo që është në opozitë është kundër shtetit.

“Nëse ai e imponon këtë retorikë, ne mund të shqetësohemi se sa larg jemi nga një diktaturë de facto”, paralajmëron ai.

Mrdalj pret gjithashtu që lëvizja e re të jetë një konglomerat i gjerë i gjithçkaje dhe se “në atë zhurmë” SNS do të shtyhet në plan të dytë.

Mediat raportojnë gjithashtu se nga e shtuna e 11 marsit, Vuçiq do të fillojë bisedimet me popullatën në jug të Serbisë, me gjasë në Vranjë.

SNS ka një bazë të fortë në juglindje të vendit, kujton Mrdalj, duke shtuar se nëse narrativa e re dhe imazhi i ri i partisë prezantohet për herë të parë në jug, ajo do të marrë “mbështetje të dukshme, pasionante” nga votuesit atje që me spinin mediatik do të jetë një sinjal për komitetet e tjera të Partisë Progresive Serbe.

Kujtojmë se Veçernje Novosti njoftoi se presidenti Vuçiq do të fillojë formimin e Lëvizjes Popullore për vendin dhe në periudhën e ardhshme do të vizitojë të gjitha anët e Serbisë./N1/