Dodik thotë se u ndërtua një tempull serbo-rus në Banja Llukë, kleriku nga Rusia e viziton

Presidenti nacionalist i Republikës Srpska, Milorad Dodik ka treguar se është ndërtuar një tempull i ri në Banja Lluka të Bosnjë e Hercegovinës nga Rusia e Serbia dhe tha se ndërtimi i këtij tempulli “serbo-rus është një tjetër dëshmi e suksesit dhe angazhimit të përbashkët të Serbisë dhe Rusisë”.

Këtë objekt e ka vizituar edhe kleriku nga Kisha Ruse Mitropolitit Anthony të Volokolamsk.
“Ne po e ndërtojmë tempullin për brezat që do të vijnë dhe është një dëshmi e unitetit, qëndrueshmërisë dhe fitores mbi të gjitha sfidat. Ne i jemi përkushtuar Kishës Ortodokse Serbe sepse e duam atë, sepse është besimi ynë”, ka thënë Dodik, i cili tha se në Rusi po sfidohet e drejta për identitet.

“Vizita e Mitropolitit të Volokolamit Antoni, me të cilin vizitova edhe kantierin e tempullit serbo-rus, është një tjetër ditë e rëndësishme për Serbinë. Ne folëm për të gjitha çështjet e rëndësishme për ne. Mbi bashkëpunimin me Kishën Ortodokse Ruse. Pata rastin ta informoj Mitropolitin për situatën aktuale dhe qëndrimin e Republikës Srpska, i cili është shumë kompleks. Republika Srpska, përveç të gjitha sfidave që i imponohen, këmbëngul në përkushtimin e saj ndaj identitetit kombëtar serb, i cili më së shumti shënohet nga besimi, shkrimi dhe gjuha ortodokse serbe”, ka thënë Dodik.

Kleriku rus ka qëndruar edhe në Serbi, ku përcolli “mirënjohjen e përzemërt” për Kishën Ortodokse Serbe për mbështetjen e saj të palëkundur në lidhje me çështjen kishtare të Ukrainës.

Rusia përdor një sërë mjetesh për të ndikuar në rrjedhën e ngjarjeve në Serbi, Mal të Zi dhe Bosnje-Hercegovinë dhe Kisha Ortodokse është arma e saj më e fortë përmes së cilës përhap narrativat e saj në këto shtete.

Kisha Ortodokse Serbe ruan lidhje të ngushta me Kishën Ortodokse Ruse, e cila është e lidhur ngushtë me Kremlinin dhe e ka paraqitur veten si një mbështetëse solide e politikave të jashtme të Rusisë, përfshirë pushtimin e saj në Ukrainë.
Kisha i ka dhënë mbështetje të heshtur agjendës secesioniste të Milorad Dodik në Bosnje dhe Hercegovinë, ndërsa Patriarkun Porfirije merr pjesë haptas në paradën e ndaluar që e mban Republika Srpska. /The Geopost/