“Klubi i papagajve të Putinit”: Demokratët evropianë i reagojnë ashpër presidentit bullgar pas deklaratave për sulmin në Leipzig

Reagime të ashpra janë bërë nga Demokratë evropianë pas deklaratave të presidentit bullgar, Rumen Radev, lidhur me sulmin me dron ndaj aeroportit të Leipzigut në Gjermani.

Në një reagim të publikuar në rrjetin social X, Radev u akuzua se kishte mbrojtur Rusinë, duke pretenduar se sulmi ndaj aeroportit ishte një përgjigje ndaj mbështetjes që vendet evropiane po i japin Ukrainës.

“Radev mbrojti Rusinë, duke pretenduar se sulmi me dron ndaj aeroportit të Leipzigut ishte një përgjigje ndaj mbështetjes evropiane për Ukrainën”, thuhet në reagimin e një politikani evropian.

Ai e kritikoi ashpër qëndrimin e presidentit bullgar, duke e cilësuar atë si pjesë të një grupi politikanësh që, sipas tij, përsërisin narrativat e presidentit rus, Vladimir Putin.

“Radev është vendosur qartë në klubin e papagajve të Putinit”, thuhet në reagim.

Kritika lidhet edhe me shqetësimin për përshkallëzimin e kërcënimeve ruse ndaj vendeve evropiane. Sipas reagimit, sulmet me dronë nuk duhet të shihen më vetëm në kontekstin e luftës në Ukrainë, pasi ato mund të prekin drejtpërdrejt territorin dhe infrastrukturën kritike të Evropës.

“Agresioni rus tani po synon drejtpërdrejt territorin evropian dhe infrastrukturën kritike”, thuhet në reagim.

Politikani evropian paralajmëroi gjithashtu se destabilizimi i Bashkimit Evropian nga brenda, në një moment kur Evropa përballet me kërcënime të jashtme ndaj sigurisë, është i papranueshëm.

Sipas tij, vendet evropiane kanë nevojë për unitet politik, vendosmëri strategjike dhe një përgjigje të përbashkët ndaj kërcënimeve që synojnë sigurinë e kontinentit.

Incidenti në aeroportin Leipzig/Halle ka shtuar shqetësimet në Gjermani për operacionet e dyshuara ruse në territorin evropian.

Autoritetet gjermane kanë identifikuar dy të dyshuar me lidhje me Rusinë, ndërsa hetimet po vazhdojnë për të përcaktuar rolin e tyre dhe nëse pas operacionit qëndrojnë struktura ruse.

Incidenti po trajtohet në kuadër të shqetësimeve më të gjera evropiane për sabotazhin, luftën hibride dhe sulmet ndaj infrastrukturës kritike.

The GeoPost

&

Rumen #Radev defended #Russia, claiming that the drone attack on #Leipzig Airport was a response to European support for Ukraine. That puts him firmly in #Putin’s parrot club (At least the others opter for silence…). Russian aggression is now targeting European territory and… pic.twitter.com/4Zf3ye3SZi

— European Democrats (@democrats_eu) September 5, 2026