Maturantët serbë në pjesën veriore të Mitrovicë kanë organizuar defilenë tradicionale të fundvitit shkollor, e cila u shoqërua me muzikë, ndezje të flakadanëve dhe shfaqje simbolesh nacionaliste.
Nxënësit e njërit prej gjimnazeve në veri të qytetit parakaluan nëpër rrugët kryesore të Mitrovicës së Veriut, ndërsa gjatë festimeve u panë flamuj serbë dhe rusë të valëvitur nga pjesëmarrësit.
Manifestimi u mbajt në Sheshin “Knez Lazar”, ku maturantët festuan nën tingujt e trumbetave dhe muzikës festive. Në mesin e simboleve të ekspozuara është vërejtur edhe një flamur rus me ikonën e Jezu Krishtit, gjë që tërhoqi vëmendje gjatë organizimit të aktivitetit.
Atmosfera u karakterizua nga ndezja e flakadanëve dhe grumbullimi i një numri të madh të të rinjve, ndërsa qytetarë të shumtë ndoqën defilenë përgjatë rrugëve të veriut të qytetit.
Sipas raportimeve të KoSSev, aktiviteti u zhvillua në kuadër të festimeve tradicionale të maturës në veri të Mitrovicës, të cilat organizohen çdo vit nga maturantët serbë.
Ngjarja vjen në një kohë kur situata politike dhe simbolika nacionaliste në veri të Kosovës vazhdojnë të mbeten tema të ndjeshme në opinionin publik dhe në raportet ndërmjet Kosovës dhe Serbisë.
The GeoPost
View this post on Instagram
Rreth 200 milionë euro të ardhura për kompaninë kineze Shandong në Serbi, ndërkohë që kontraktohen biznese të reja 
Gjykimi ndaj Pantiq e Zariq, dëshmitarja tregon se si ia vranë nëntë familjarë para syve të saj përfshirë një 16-vjeçar 
Ambasadori Hamilton: Rusia po përdor dezinformimin për destabilizim në Ballkan 
Gjykata në Hagë: Serbia nuk po u përgjigjet kërkesave për rastin ndaj Sheshelit 
Kush është aleati kryesor i Rusisë në Ballkan? 
Një muaj paraburgim për shtatë drejtorët e institucioneve serbe në Kosovë