Letonia ka aktivizuar menjëherë avionët luftarakë të NATO-s pasi një dron i dyshuar, me origjinë të pasigurt, hyri përkohësisht në hapësirën ajrore të vendit. Autoritetet ushtarake bënë të ditur se droni u tërhoq pas disa momenteve, por patrullimi dhe vëzhgimi i zonës mbetet i lartë.
“Situata është nën monitorim të vazhdueshëm në bashkëpunim me aleatët tanë të NATO-s,” tha Ushtria letoneze, duke theksuar se vendi mbështetet në patrullimet ajrore të aleancës, pasi nuk zotëron avionë luftarakë të vetë.
Incidenti ndodh në një periudhë të tensionuar në kufijtë lindorë të NATO-s, ndërsa konflikti në Ukrainë dhe ndërhyrjet elektronike në dronët ushtarakë kanë rritur rrezikun e devijimit të pajisjeve ajrore pa pilot. Javët e fundit, disa dronë janë rrëzuar në territorin letonez, disa pranë infrastrukturës kritike, duke ngritur shqetësime për sigurinë kombëtare.
Në një incident tjetër këtë muaj, dronë të dyshuar ukrainas goditën tanke bosh në një depo nafte në qytetin Rēzekne, rreth 50 km nga kufiri rus, çka shkaktoi një krizë politike dhe dorëheqjen e zyrtarëve të lartë.
Qeveria letoneze paralajmëroi se çdo shkelje e hapësirës ajrore do të trajtohet si kërcënim serioz, duke theksuar bashkëpunimin maksimal me NATO-n për garantimin e sigurisë ajrore.
The GeoPost
Si Rusia rekruton të huaj për luftën në Ukrainë përmes mashtrimit në rrjetet sociale 
Çfarë janë dronët britanikë që përdoren nga ukrainasit në sulmet e thella brenda Rusisë? 
Gjermania shqyrton mbylljen e Shtëpisë Ruse në Berlin, dyshohet se përdoret për spiunazh 
Suedia, Belgjika, Holanda dhe Luksemburgu do të ndalojnë njohjen e pasaportave jo-biometrike ruse 
Nga Irani te Rusia e Kina – Profesori amerikan paralajmëron për një realitet të ri strategjik 
Fotografimi i varreve të ushtarëve të vrarë po ndiqet penalisht në Rusi