Shtetet e Bashkuara të Amerikës e çuan Kosovën në liri, ka thënë të shtunën presidentja e vendit, Vjosa Osmani.
Në fjalimin e saj në Kolegjin e Luftës së Ushtrisë Amerikane, ku diskutoi historinë e Kosovës deri te lidhja historike me SHBA-në, Osmani kujtoi kohën kur Kosova përballej me luftën gjenocidale të Millosheviqit.
“Isha një vajzë e re kur Kosova po përballej me një luftë gjenocidale të Millosheviqit. Ishte një kohë kur ne po detyroheshim të largoheshim nga shtëpitë tona, kur më të dashurit tanë po vriteshin para syve tanë, dhe kur fëmijëria jonë ishte thjesht në luftë dhe konflikt. Në orët më të errëta, Amerika qëndroi me ne. Ishin ushtarët amerikanë bashkë me vendet aleate të NATO-s, që dëshpërimin në Kosovë e kthyen në shpresë, frikën në siguri dhe okupimin në liri”, ka thënë presidentja Osmani ndër të tjera.
Ajo shprehu mirënjohje të thellë për SHBA-në dhe forcat amerikane si partner kryesor i Kosovës.
Osmani gjatë qëndrimit në ShBA ka bërë një “selfie” me ushtarët amerikanë, “me ushtrinë më të fortë në botë.”
/The Geopost
Raporti i CEPA-s: Rusia po zhvillon “luftë në hije” në Evropë, rritet rreziku i përshkallëzimit 
Momçilo Gajiq, udhëheqësi i grupit serb që shkaktoi trazira në Evropë me urdhër të inteligjencës ruse, strehohet në Moskë 
Kosova bashkë me vendet e tjera dënon sulmet iraniane në Ngushticën e Hormuzit 
Deputeti i Bundestagut gjerman: Ndërhyrja e NATO-s në ’99-ën ndali gjenocidin e Millosheviqit në Kosovë 
Ulja e orëve të gjuhëve të huaja në shkollat ruse si mjet militarizimi 
“Nuk e bënë shqiptarët” – Si u vra Milosh Vlashkoviqi në Mazgit nga dy ushtarë serbë, teksa grabisnin shtëpitë në vitin 1999