Studentët nga Universiteti i Novi Sadit do të udhëtojnë në Strasburg për t’iu drejtuar Këshillit të Evropës dhe Bashkimit Evropian dhe për të tërhequr vëmendjen ndërkombëtare për atë që po ndodh në Serbi. Siç thanë studentët, deputetë të Parlamentit Evropian iu afruan dhe u thanë se ishin gati t’i prisnin në Strasburg.
Studentët nga Universiteti i Novi Sadit do të shkojnë me biçikletë për në Strasburg më 3 prill dhe do të mbërrijnë në Strasburg më 17 prill, 24 orë para Ditës së Studentit, siç ishte paralajmëruar më parë.
Siç tha për Nova.rs Grupi Punues për Media dhe Komunikim i FTN-së së Novi Sad-it, atyre iu drejtuan deputetë të Parlamentit Evropian dhe shprehën gatishmërinë e tyre për të pritur studentët.
Studentët serbë kishin paralajmëruar më herët se duan t’i drejtohen Këshillit të Evropës dhe Bashkimit Evropian. Ata kishin treguar më parë se do të udhëtonin në Strasburg përmes Suboticës, Budapestit, Bratislavës, Vjenës, Linzit, Salzburgut, Mynihut, Augsburgut, Ulmit dhe Shtutgartit.
Këto janë qytete të mëdha universitare, thanë ata, por janë edhe vende ku ndodhen mërgimtarët./Nova/
Çfarë thonë për rezolutën e KE-së ata që vuajtën dhunën e regjimit të Vuçiqit? 
Rubio: Irani nuk do të lejohet të vendosë tarifa për anijet që kalojnë në Ngushticën e Hormuzit 
Rikthimi i Janshas në pushtet ngjall shqetësime në BE dhe Ballkanin Perëndimor 
Letonia nënshkruan marrëveshjen e BE-së për kredi mbrojtëse prej 3.5 miliardë eurosh në kuadër të programit SAFE 
Si po shembet strategjia e Putinit për të formësuar politikën jashtë Rusisë? 
Dogana e SHBA-së lëshon urdhër për ndalimin e dërgesave kineze Zijin nga Serbia