Dezinformon Qeveria e Serbisë: Terror drastik dhe brutal ndaj serbëve në Kosovë

Qeveria e Serbisë përmes Zyrës së saj për Kosovë ka dezinformuar sot se ka pasur terror e brutalitet ndaj serbëve në Kosovë. Ajo tha gjithashtu se po konfiskohen jashtëligjshëm pronat e serbëve në veri të Kosovës.

Çka deklaroi Qeveria serbe?

E ashtuquajtura Zyra e Qeverisë së Serbisë për Kosovë akuzoi “autoritetet në Prishtinë për terror drastik dhe brutal ndaj serbëve dhe institucioneve të tyre në veri të Kosovës. Bëhet fjalë për vazhdimin e konfiskimit brutal dhe të paligjshëm të pronës serbe në veri të Kosovës.

Është e qartë se Albin Kurti po përpiqet me çdo kusht të destabilizojë më tej situatën në veri të Kosovës, para zgjedhjeve dhe po përpiqet të detyrojë një reagim të serbëve që do të shërbente si justifikim për të parandaluar Listën Srpska nga pjesëmarrja në zgjedhjet. Serbët me të gjitha metodat legjitime politike dhe demokratike do të luftojnë kundër dhunës ndaj të cilës janë të ekspozuar dhe anulimit të plotë të të drejtave të njeriut”.

https://rtv.rs/sr_lat/politika/tzv.-kosovska-policija-upala-u-vise-objekata-u-kosovskoj-mitrovici-i-gracanici-pretresi-u-toku_1595249.html?

Analiza:

Qeveria e Serbisë ka dezinformuar për brutalitet ndaj serbëve kur sot Policia e Kosovës ka mbyllur një institucion paralel në Mitrovicën e Veriut i cili ka grumbulluar pagesa nga qytetarët dhe bizneset e shumta për shfrytëzimin e objekteve që janë kinse nën menaxhimin e tyre. Gjatë këtij aksioni policor askush nuk është frikësuar apo sulmuar siç pretendon Qeveria e Serbisë.

https://www.evropaelire.org/a/kosova-ndermarrje-serbe-paralele-veri-/33253742.html

Dy ndërmarrje publike, të cilat kanë vepruar në sistemin e Serbisë në Mitrovicën e Veriut – Drejtoria për Hapësirën Banesore dhe Biznesore dhe Drejtoria për Tokën Ndërtimore – u mbyllën më 26 dhjetor.

Në pamjet që ka publikuar Policia e Kosovës u gjetën fotografi të presidentit rus Vladimir Putin, emblema të Serbisë e gjëra të tjera.

/G.Venhari