Zëvendëskryeministri i Serbisë, Aleksandar Vulin ka mbrojtur BRICS si një alternativë ndaj Bashkimit Evropian për Serbinë. Ai theksoi se si BRICS nuk imponon kushte politike si BE-ja, duke theksuar “bashkëpunimin e bazuar në respekt dhe neutralitet”.
Komentet e Vulinit nxjerrin në pah pavendosmërinë e Serbisë për aspiratat e saj për anëtarësim në Bashkimin Evropian edhe pse është kandidate.
Vulin e përshkroi si një alternativë të fortë ndaj Bashkimit Evropian.
Në një intervistë për revistën National Defense, Vulin tha: Jam i bindur se Serbia nuk ka vend në BE, të paktën ende nuk ka bërë shumë përpjekje për të na pranuar si anëtare e plotë.
Ai theksoi avantazhet e BRICS, një bllok që përfshin Brazilin, Rusinë, Indinë, Kinën dhe Afrikën e Jugut, së bashku me gjashtë vende të reja të shtuara, si një mënyrë për Serbinë për t’u lidhur me shtetet që “nuk kërkojnë asgjë dhe mund të ofrojnë më shumë sesa kërkojmë ne ose më mirë, edhe më shumë se sa mund të marrim”.
Vulin tha se BRICS ndryshon nga BE në atë që nuk imponon kushte politike për anëtarët e saj.
Ai gjithashtu tha se Serbisë nuk i kërkohet njohja e pavarësisë së Kosovës apo “ndryshime të tjera të brendshme politike”.
“Ata nuk po kërkojnë asgjë nga ne”. Serbia, pohoi ai, nuk do të vendosë sanksione ndaj Rusisë apo të hyjë në luftë vetëm për t’u bashkuar me BE-në, duke shtuar se “Serbia vlerëson bashkëpunimin e bazuar në respektin reciprok, neutralitetin dhe barazinë.”
Deklaratat e Vulinit shpërfaqin qëllimet e vërteta të Serbisë pavarësisht presidentit të saj, Aleksandar Vuçiq që pretendon që Serbia duhet t’i bashkohet BE-së.
Serbia merr mbështetjen financiare kryesore nga BE por refuzon të përshtatet me politikën e jashtme të BE-së për shkak të ruajtjes së marrëdhënieve me Rusinë, në bllokun e së cilës, BRICS, tashmë shpreh haptas se po e shqyrton të bëhet pjesë.
Vulin është i sanksionuar nga SHBA për shkak të korrupsionit dhe lidhjeve me Rusinë megjithatë nuk i pengoi Vuçiqit që t’i jep një pozitë kryesore në udhëheqjen e shtetit. /The Geopost/
Dodiku sërish në Moskë: vazhdon forcimi i lidhjeve të Banjallukës me Kremlinin 
Nga Millosheviqi te Vuçiqi – Stradner: E njëjta strategji, propagandë për ta paraqitur veten si viktimë 
Partia e Vuçiqit, SNS, bashkohet me radikalët e Sheshelit – në listën zgjedhore edhe emra të kërkuar nga Haga 
“Kamionët e viktimizimit” në Nju Jork, Fetoshi: Strategji serbo-ruse për ta dëmtuar imazhin e Kosovës 
Pas deklaratës për “spastrimin etnik”, Paunoviq dhe Daçiq këndojnë së bashku këngë nacionaliste për Kosovën 
Serbia dhe Uzbekistani paralajmërojnë bashkëpunim për raketa, analisti ngre pikëpyetje për interesat ruse