Presidenti i Serbisë, Aleksandar Vuçiq, pa paralajmërim ka pritur në një vizitë presidentin e Republikës Srpska, Milorad Dodik, ku në takim ka marrë pjesë edhe ministri i Brendshëm, Ivica Daçiq.
Vuçiq tha se kanë folur për tema ekonomike dhe se kanë bërë një analizë të përbashkët të kushteve globale dhe rajonale.
“Presidenti Dodik dhe unë i kushtuam vëmendje të veçantë lidhjes infrastrukturore, rrugore, hekurudhore dhe energjetike ndërmjet Serbisë dhe Republikës Srpska”, thuhet në postimin e Vuçiqit në Instagram.
Vizita e papritur e Dodikut në Serbi erdhi në kohën kur drejtori i CIA-s, William Burns, qëndroi në rajon ku në fillim shkoi nëBonjë e Hercegovinë, më pas në Serbi dhe në fund në Kosovë.
Presidenti nacionalist i Republikës Srpska të Bosnje e Hercegovinës është nën sanksione të SHBA-së dhe Mbretërisë së Bashkuar për shkak të veprimeve të tij destabilizuese kundër Marrëveshjes së Dejtonit dhe për korrupsion.
Në kohët e fundit Dodik ka ndërmarrë veprime provokuese për ndarjen e Republikës Srpksa nga Bosnje e Hercegovina, të cilat janë dënuar nga ndërkombëtarët për prishjen e paqes.
Gjithashtu, presidenti i Serbisë sot është takuar me ambasadorin e Rusisë në Beograd, Aleksandar Bocan-Harchenko, me të cilin ka diskutuar dhe ka kërkuar mbështetje për çështjen e hapjes së Urës së Ibrit në Kosovë.
Ai “falënderoi Rusinë për mbështetjen e vazhdueshme diplomatike për Rezolutën 1244, por gjithashtu shprehu shqetësim të thellë për pasojat e mundshme të hapjes së urës në Ibrit në Mitrovicë të Kosovës. Një bisedë e hapur dhe e sinqertë me ambasadorin Bocan-Harchenko për të gjitha temat me interes për Serbinë dhe Federatën Ruse, si dhe qëndrimet e Serbisë në lidhje me zhvillimet aktuale gjeopolitike globale”, ka shkruar Vuçiq.
Vuçiq zgjodhi ambasadorin rus për të folur mbi çështjen e Urës së Ibrit, por kjo është çështje e brendshme e Kosovës dhe Bashkimi Evropian ka bërë thirrje që për të shmangur ndonjë tension kjo temë të diskutohet në dialog në Bruksel.
/TheGeopost
Raporti i CEPA-s: Rusia po zhvillon “luftë në hije” në Evropë, rritet rreziku i përshkallëzimit 
Momçilo Gajiq, udhëheqësi i grupit serb që shkaktoi trazira në Evropë me urdhër të inteligjencës ruse, strehohet në Moskë 
Kosova bashkë me vendet e tjera dënon sulmet iraniane në Ngushticën e Hormuzit 
Deputeti i Bundestagut gjerman: Ndërhyrja e NATO-s në ’99-ën ndali gjenocidin e Millosheviqit në Kosovë 
Ulja e orëve të gjuhëve të huaja në shkollat ruse si mjet militarizimi 
“Nuk e bënë shqiptarët” – Si u vra Milosh Vlashkoviqi në Mazgit nga dy ushtarë serbë, teksa grabisnin shtëpitë në vitin 1999